Marcos 3:22 - Manobo Western Bukidnon

²² Ne zuen dutun menge menunudlù te kesug̵uan he ebpuun diyà te inged he Hiruselim ne ke sikandan te, “Heini he etew, mid-ulinan sikandin ni Endedaman, sikan is egalen te menge mezaat he mulin-ulin, ne tenged kayi igkepeg̵uwè din puun te menge etew is menge mezaat he mulin-ulin.”

Marcos 3:22 Кръстосани препратки

Mateo 10:25

Umba, siak is egalen niw wey ebpenurù keniyu, kinahanglan he egkeiringan a keniyu. Su siak is egalen niw, emun egngezanan a te menge etew ki Endedaman, wey pe be kenà tuwas pa he mezaat is igngazan dan keniyu te menge sakup ku?

Mateo 11:18

Su hein neehè niw si Juan is edsalang egkaan ne kenà daan ed-inum te vinu, ne migkag̵i niw he midsuukan sikandin te mezaat he mulin-ulin.

Mateo 12:24

Ne zuen menge Perisiyu zutun ne hein nezineg dan haazà migkag̵i zan te, “Umba zuen gehem din he ebpekeulì te edlelungen te mezaat he mulin-ulin su iyan mibeg̵ey kandin te g̵ehem si Endedaman, sikan is egalen te menge mezaat he mulin-ulin.”

Mateo 15:1

Ne zutun, duen menge Perisiyu wey menge menunudlù te kesug̵uan he menge tigHiruselim he midhendiyà te ki Jesus. Mid-insè dan ki Jesus te,

Mateo 9:34

Iyan, migkag̵i is menge Perisiyu zutun te, “Is tekinan te menge mezaat he mulin-ulin, iyan mibeg̵ey kandin te g̵ehem wey zin mevewii is edlelungen te mezaat he mulin-ulin.”

Marcos 7:1

Ne sevaha he timpu nemekeuma ziyà te ki Jesus is menge Perisiyu wey menge menunudlù te kesug̵uan he ebpuun sikandan diyà te Hiruselim.

Lucas 11:15

Iyan, duen dutun migkag̵i te, “Iyan mibeg̵ey kandin te g̵ehem te kebpenegseg te menge mezaat he mulin-ulin si Endedaman, sikan is egalen te menge mezaat he mulin-ulin.”

Lucas 5:17

Sevaha he andew he ebpenurù si Jesus, duen ebpemimpinuu he mezakel he menge Perisiyu wey menge menunudlù te kesug̵uan he midtelavuk dutun. Diyà haazà ebpemuun te langun he menge inged he sakup te Geliliya wey sakup te Hudiya. Ne zuen daan duma zan dutun he ebpemuun te Hiruselim. Ne zutun te ki Jesus is gehem te Megbevayà su wey zin mevewii is menge etew.

Juan 10:22

Ne ziyà te inged he Hiruselim iyan en haazà timpu te pista te menge Hudiyu he zutun edsilibrahan dan is kedlumpiyu zengan te simbahan dan he Valey te Megbevayà.

Juan 7:20

Ne midtavak haazà is menge etew te, “Kela ka midsuukan ka te mezaat he mulin-ulin su wazè man egkesuat he edhimatey kenikew?”

Juan 8:48

Ne zutun midtavak ki Jesus is menge punuan he menge Hudiyu, ke sikandan te, “Tutuu ves iyan he tigSemarya ka he memeremerik is betasan! Kela ke midsuukan ka te mezaat he mulin-ulin!”

Juan 8:52

Ne migkag̵i kandin is menge Hudiyu te, “Netuenan dey he tutuu iyan he edlelungen ka te mezaat he mulin-ulin! Minsan si Abraham wey is langun he menge ebpeneuven dengan te Megbevayà, minatey zan en pudu, ne maan is egkag̵i ka he is minsan hentei he edtuman te ibpenurù nu kandin, kenè en ebpekeag̵i te kemetayen!