Marcos 3:20 - Manobo Western Bukidnon

²⁰ Ne zutun ensi Jesus, wazè dan en timpu minsan te kegkaan su utew mezakel is menge etew he nengeamur-amur ziyà te kandin.

Marcos 3:20 Кръстосани препратки

Marcos 1:45

Iyan, hein mid-awà dutun haazà is etew, midtudtul zin haazà is nehimu ziyà te kandin diyà te minsan hentei. Ne tenged dutun kenè en maan si Jesus ebpekepeg̵awag̵awa ke edhendutun te menge inged su egkeamur-amur is mezakel he menge etew. Diyè dà si Jesus edrig̵urig̵u te menge unayan. Ne midangep kandin is menge etew he ebpemuun diyà te minsan hendei he inged.

Marcos 2:1

Ne nepipira pa zutun he menge andew, midlikù si Jesus diyà te inged he Kepirnaum. Ne nezineg te menge etew he ziyà si Jesus te valey zin.

Marcos 3:7

Ne zutun mid-awà si Jesus wey is menge sumusundan din ne midhendiyè dan te veyvey te ranew. Ne nemenduma ki Jesus is utew mezakel he menge etew he ebpuun diyà te prubinsya he Geliliya. Ne is duma kandan, diyà ebpemuun te prubinsya he Hudiya,

Marcos 3:9

Ne migkeg̵iyan ni Jesus is menge sumusundan din he megkuwa zan te avang su wey zin meuntuzi emun egkelipitlipit sikandin te utew mezakel he menge etew.

Marcos 6:31

Ne migkeg̵iyan ni Jesus sikandan te, “Edhendiyè kiw zè pa te tanà he wazà duen etew su wey kiw mekehimeley,” ke sikandin. Umba migkag̵i ni Jesus heini su mezakel utew he menge etew is ebpemekedtetelevukè dà diyà te kandin. Ne wazà timpu zan minsan te kegkaan.

Marcos 7:17

Ne hein mid-awà si Jesus dutun te menge etew ne midseled diyà te valey, ne mid-insaan sikandin te menge sumusundan din ke hengkey is kehulug̵an duen te migkag̵i zin.

Marcos 9:28

Ne hein nekeulì ensi Jesus diyà te valey he midetengan dan ne wazà dutun duma he etew, kekenà, iyan dan dà, ne mid-insaan sikandin te menge sumusundan din te, “Maan is wazè dey meulii sikan is batà he edlelungen te mezaat he mulin-ulin?”

Lucas 6:17

Ne hein neipus ni Jesus is kebpilia zin kandan midtupang sikandin duma haazà is nengepilì din. Midteren dan dutun te patag ne nengevurun dutun is mezakel he menge sumusundan din wey is medmezakel he menge etew he ebpemuun diyà te menge inged he sakup te Hudiya wey ziyà te inged he Hiruselim. Ne zuen daan menge etew he ziyà ebpemuun te menge inged he Tiru wey Sidun he ziyà te veyvey te zag̵at. Iyan tuyù dutun te menge etew is ebpemineg dan te kebpenurù ni Jesus wey ebpemevawì daan sikandan kandin te menge zaru zan.