Marcos 3:2 - Manobo Western Bukidnon

² Ne zuen menge kuntada ni Jesus dutun ne mibentayan dan si Jesus su ed-ahaan dan ke ebewian din haazà is etew zutun te andew su Andew te Kedhimeley haazà. Su emun ebewian ni Jesus haazà is etew ne idsumbung dan he midsupak din is Andew te Kedhimeley.

Marcos 3:2 Кръстосани препратки

Mateo 12:10

Ne zutun te seled te simbahan, duen etew he minatey is menge ug̵at te zivaluy he velad din. Duen daan dutun menge etew he ebpen-ahà te paag̵i he ikesumbung dan si Jesus he nekesupak te kesug̵uan. Ne mid-insaan dan sikandin te, “Emun Andew te Kedhimeley, ke ebewian ta is egkezeruwan wey meulii, ebpekesupak ki ve te kesug̵uan?”

Marcos 3:3

Ne migkeg̵iyan ni Jesus haazà is etew he nezeetan is belad din te, “Hengkayi ka, Mama, te teliwazà.”

Lucas 14:1

Ne sevaha maan he Andew te Kedhimeley, ne mid-umbite en maan si Jesus te sevaha he pengulu te menge Perisiyu he ziyà ibpekaan te valey zin. Ne is menge kuntada ni Jesus, mibpurungan dan sikandin bentayi ke egkesupak din is kesug̵uan.

Lucas 20:20

Umba, puun dutun ne ebpengahaan dan ke ebmenmenuwen dan te kedekepa sikandin. Duen menge sinuhulan dan he ibpepeniid dan ki Jesus. Ne zuen daan menge insà kayi te etew ki Jesus he uvag kun menge hustu he insà. Ne iyan tuyù dan is: emun ebpekesupak si Jesus te kesug̵uan dan pinaag̵i te menge tavak din ne egkehimu he ibpalad sikandin diyà te gubirnedur he Rumanu wey mehukumi sikandin.

Lucas 6:7

Ne zuen dutun menge etew he Perisiyu wey menge menunudlù te kesug̵uan. Ne mibentayan dan si Jesus su ed-ehaan dan ke ebewian din be haazà is etew zutun te andew su Andew te Kedhimeley. Iyan ibpurungi zan ibentayi ki Jesus su wey zan mekeahà te paag̵i te kedsumbunga zan kandin he midsupak din is Andew te Kedhimeley.

Juan 8:6

Iyan ingkeg̵iya zan dutun su ebpen-ahaan dan si Jesus te sayep su wey zan ikesumbung sikandin. Iyan, midtikintikin si Jesus dutun, ne insurat din is tezù din diyà te tanà.

Juan 9:16

Ne zutun migkag̵i is duma zutun te menge Perisiyu, ke sikandan te, “Heini si Jesus, kenà iyan sikandin sug̵ù te Megbevayà su edsupaken din layun is kesug̵uan mehitenged te Andew te Kedhimeley.” Iyan, migkag̵i zaan is duma pa he menge Perisiyu te, “Emun mesinupaken he etew, kenè din egkehimu is menge egkein-inuwan he iring kayi!” Ne zutun kenè dan egkengeuyun.