Marcos 3:13 - Manobo Western Bukidnon

¹³ Ne zutun midtekezeg si Jesus diyà te vuvungan dutun ne mid-umew zin sikan is nengepilì din he mehimu he sinerig̵an din. Ne mid-uvey zan diyà te kandin.

Marcos 3:13 Кръстосани препратки

Mateo 5:1

Ne naahà ni Jesus is mezakel he menge etew ne zutun midtekezeg sikandin te vuvungan ne zutun mebpinuu. Ne mid-uvey ziyà te kandin is menge sumusundan din,

Marcos 3:14

Ne intezù ni Jesus dutun is sepulù wey zezuwa he medumazuma kandin wey zin ikepehipanew sikandan te kebpesavut te Meupiya he Tudtulanen.

Marcos 6:7

Ne midtig̵um din sikan is sepulù wey zezuwa he menge sumusundan din su ibpehipanew zin. Mibpemahinbahin din sikandan te tigduwazuwa. Ne mibpemeg̵ayan din daan sikandan te g̵ehem te kebpeguwà te mezaat he mulin-ulin.

Lucas 9:1

Ne midtig̵um ni Jesus sikan is sepulù wey zezuwa he menge sumusundan din. Ne kada sevaha kandan, mibeg̵ayan din te g̵ehem su wey zan mevewii is egkengezeruwan wey ikepemeg̵uwè is menge mezaat he mulin-ulin.

Juan 6:3

Ne midtekezeg si Jesus wey haazà is menge sumusundan din te vuvungan ne zutun dan mebpinuu.