Marcos 3:11 - Manobo Western Bukidnon

¹¹ Ne is menge mezaat he mulin-ulin, hein neehè dan si Jesus, ne nemenluhud sikandan diyà te etuvangan din is ebpemengulahì he egkag̵i te, “Iyan ka iyan kes Anak te Megbevayà!”

Marcos 3:11 Кръстосани препратки

Mateo 14:33

Ne is menge zuma he menge sumusundan din dutun te avang, mid-azap dan ki Jesus he ke sikandan te, “Benar iyan he Anak ka te Megbevayà!”

Mateo 4:3

Ne zutun mid-uvayan ni Setanas si Jesus ne mibpenuley zin he egkag̵i te, “Emun tutuu iyan he Anak ka te Megbevayà pengelinteuwi nu he mevaluy he egkeenen heini is menge vatu.”

Mateo 4:6

Ne migkeg̵iyan din te, “Emun tutuu iyan he Anak ka te Megbevayà, umpak ka su zuen insurat he Lalag te Megbevayà he edhenduen te, ‘Ebpetevangan ka te Megbevayà te menge velinsug̵uen din ne edtemukan ke zan su wey kenà egkerudruzan is minsan paa nu te vatu.’ ”

Mateo 8:29

Ne mibensag̵an dan si Jesus, ke sikandan te, “Sikew is Anak te Megbevayà, edsilutan key ve kenikew te wazè pa meuma is midtelaan he timpu?”

Mateo 8:31

Midhangyù ki Jesus haazà is menge mezaat he mulin-ulin, ke sikandan te, “Emun edsegseg̵en key kenikew, tug̵uti key he mekesuuk key keniyà te menge vavuy.”

Marcos 1:1

Si Esaias, is tipehuna he ebpeneuven dengan te Megbevayà, insurat din is Lalag te Megbevayà duen te Anak din, ne iyan haazà puunà te Meupiya he Tudtulanen te keag̵i ni Jesu Kristu he Anak te Megbevayà. Migkag̵i is Megbevayà te, “Duen keuzemà ibpehuna ku kenikew he etew he ibpepenudtul ku he meg̵aan ka ebpekeuma.

Lucas 4:41

Ne minsan sikan is menge mezaat he mulin-ulin, impemaawè din dutun te menge etew he edlelungen dan. Nemekekulahì haazà is menge mezaat he mulin-ulin he egkag̵i te, “Iyan ka iyan sikan is Anak te Megbevayà!” Iyan, impeengked sikandan ni Jesus su wazè din itug̵ut he zuen egkeg̵iyen dan su netuenan dan he iyan sikandin kes mibpilì te Megbevayà he hadì.

Nengeulaula 16:17

Ne miduma kenami ki Pablo haazà is bahi he ebpengulahì te, “Heini is menge etew, menge sulug̵uen sikandan te lavew he Megbevayà. Ibpesavut dan keniyu is paag̵i wey kew melibri te idsilut din.”

1 Kurintu 11:34

Ne ke zuen egkevitil, kinahanglan he ziyà sikandin mebpekehantey te valey zin su wey kenè kew mesiluti te Nengazen ke egkesupak niw is intelaan din mehitenged dutun te kedtig̵um niw. Ne zuen pa zuma he selembag̵an ku keniyu, ne wey ku en heini edseysaya ke ebpekeuma a ziyan.

Santiago 2:19

Emun midtuu ki he sebsevaha zà is Megbevayà utew meupiya heeyan, iyan, kenè pa hustu su minsan is menge mezaat he mulin-ulin, midtuu zan daan te iring keniyan, iyan, egkerkeren dan te kegkehandek su netuenan dan he edsilutan sikandan keuzemà.