Marcos 2:7 - Manobo Western Bukidnon

⁷ “Tekew en egkag̵i heini he etew he ebpekepesaylu sikandin te salà. Edsupaken din is Megbevayà su hentei is ebpekepesaylu te menge salà, kekenà, iyan dà is Megbevayà?”

Marcos 2:7 Кръстосани препратки

Mateo 26:65

Ne haazà is lavew he memumuhat, mibpemindas din is kumbalè din he tuus te utew sikandin nepauk dutun te migkag̵i ni Jesus, ne ke sikandin te, “Uvag en kun Anak te Megbevayà! Nekesupak en heini te Megbevayà! Wazè en kinahanglan he zuen pa tistig̵us su sikiyu is langun, nezineg niw en heini is menge lalag din he utew supak te Megbevayà!

Mateo 9:3

Ne zuen dutun menge menunudlù te kesug̵uan; ne te kegkezineg̵a zan dutun, neisip dan he utew zekelà is supak ni Jesus te Megbevayà.

Marcos 14:64

nezineg niw en is menge lalag din he utew supak te Megbevayà. Hengkey is hukum niw?” Ne zutun migkag̵i is langun he menge zuma zin te zekelà is salà ni Jesus ne kinahanglan he edhimetayan.

Marcos 2:6

Ne zuen ebpimpinuu zutun he menge menunudlù te kesug̵uan ne hein nezineg dan haazà is migkag̵i ni Jesus, neepes dan ne neisip dan is,

Marcos 2:8

Ne zutun nesavut ni Jesus he iyan haazà diyà te isip dan ne ke sikandin diyà te kandan te, “Maan is egkeisip niw is iring keniyan?

Lucas 5:21

Ne zutun, is menge Perisiyu wey is menge menunudlù te kesug̵uan, neisip dan diyà te g̵ehinawa zan is: “Hentei heini he etew is edsupak te Megbevayà? Megbevayà sikandin uvag su hentei is ebpekepesaylu te menge salà, kekenà, iyan dà is Megbevayà.”

Lucas 7:49

Ne is menge etew zutun he egkaan duma ki Jesus, neisip dan is, “Hentei heini etawa he minsan is menge salà, ne ebpeseyluwen din en?”

Juan 10:33

Ne midtavak diyà te kandin haazà is menge Hudiyu te, “Kenà iyan dey idtulenga kenikew is meupiya he vaal, kekenà, geina te edsupaken nu is Megbevayà su maan is egkag̵i ka he Megbevayà ka te etew ke zà duen!”

Juan 10:36

maan is egkag̵i kew he edsupaken ku is Megbevayà emun egkag̵i a he Anak a te Megbevayà? Iyan a sikan is mibpilì te Megbevayà wey a mekehendini te kelibutan.