Marcos 2:28 - Manobo Western Bukidnon

²⁸ Umba, siak is Kakey te Menusiyà, iyan a zuen keg̵ehem te egkag̵i ke hengkey is hustu he ed-ul-ulahan te etew emun Andew te Kedhimeley.”

Marcos 2:28 Кръстосани препратки

Mateo 12:8

Su siak is migeraran he Kakey te Menusiyà, iyan a zuen keg̵ehem te egkag̵i ke hengkey is hustu he ed-ul-ulahan te etew emun Andew te Kedhimeley.”

Marcos 2:27

Ne minsan pa zutun wazè dan mekesalà. Iyan aney he midlimbag te Megbevayà is etew ne human din insug̵ù is Andew te Kedhimeley, he ke và dà egkeg̵iya, mahal is etew, kenà is Andew te Kedhimeley.

Marcos 3:1

Ne mid-uman medseled si Jesus duen te simbahan te menge Hudiyu, ne zuen dutun etew he minatey is menge ug̵at te zivaluy he velad din.

Marcos 3:4

Ne zutun mid-insaan din haazà is menge kuntada zin te, “Hendei zapit is intug̵ut kenitew zuen te kesug̵uan tew he ed-ul-ulahan tew kayi te Andew te Kedhimeley? Iyan be is kedtavang te etew he edlised wey ke ebpesipelahan be is etew? Iyan be is kedtevangi ta te etew su wey kenà mebpatey wey ke edhimetayan te ve is etew?” Ne wazè dan meketavak dutun.

Lucas 6:5

Ne impelaus ni Jesus haazà is lalag din, ke sikandin te, “Siak is Kakey te Menusiyà, iyan a zuen keg̵ehem te egkag̵i ke hengkey is hustu he ed-ul-ulahan te etew emun Andew te Kedhimeley.”

Juan 5:17

Iyan, duen ketezengan ni Jesus, ke sikandin te, “Is Amey ku he Megbevayà, kenà sikandin edhimeley he ebaal, ne siak, ebpenigudu a zaan ebaal.”

Juan 9:14

Andew te Kedhimeley haazà is kebeeli ni Jesus dutun te vasak he imbawì din dutun te mata te lakap.

Juan 9:16

Ne zutun migkag̵i is duma zutun te menge Perisiyu, ke sikandan te, “Heini si Jesus, kenà iyan sikandin sug̵ù te Megbevayà su edsupaken din layun is kesug̵uan mehitenged te Andew te Kedhimeley.” Iyan, migkag̵i zaan is duma pa he menge Perisiyu te, “Emun mesinupaken he etew, kenè din egkehimu is menge egkein-inuwan he iring kayi!” Ne zutun kenè dan egkengeuyun.

Ipisu 1:22

Ne is Megbevayà, midhimu zin he sakup ni Kristu is minsan hengkey he linimbag. Umba midhimu zin si Kristu he egalen te minsan hengkey su wey kiw metevangi is langun he menge tumutuu.

Impezayag 1:10

Ne zutun te sevaha he andew he Duminggu, utew mezesen is ked-uwita kedì te Wag̵as he Mulin-ulin ne zuen impeehè din kedì. Diyà te egkeiniyug̵an ku nezineg ku is egkag̵i he iring te vudyung su utew mezag̵ing,