Marcos 2:26 - Manobo Western Bukidnon

²⁶ Ne tenged dutun midseled si David diyà te simbahan he Valey te Megbevayà ne migkaan din is egkeenen he insavuk diyà te etuvangan te Megbevayà. Ne impekaan din daan dutun is menge zuma zin. Iyan lavew he memumuhat dutun si Ebiyatar. Supak te kesug̵uan haazà is kegkeena zan dutun su iyan dà ebpekekaan dutun he egkeenen is menge memumuhat.

Marcos 2:26 Кръстосани препратки

Mateo 12:4

Ne wazà sikandin mekesalà minsan te midseled diyà te Valey te Megbevayà ne sikandin wey is menge sakup din, migkaan dan is egkeenen he insavuk diyà te etuvangan te Megbevayà. Ne supak te kesug̵uan haazà is kegkeena zan dutun su iyan dà ebpekekaan dutun he egkeenen is menge memumuhat.

Marcos 2:25

Ne midtavak si Jesus te, “Kenà egkehimu he wazè niw mevasa ziyà te ingkesurat dengan kes mid-ulaula ni Hadì David. Sikandin wey is menge sundaru zin, midlised sikandan su nengevitil zan.