Marcos 2:24 - Manobo Western Bukidnon

²⁴ Ne zutun migkeg̵iyan si Jesus te menge Perisiyu te, “Is menge sumusundan nu, edsupaken dan is insug̵ù kenitew te Megbevayà su maan is edlegtey zan guntaan kayi te Andew te Kedhimeley?”

Marcos 2:24 Кръстосани препратки

Mateo 12:2

Ne naahà haazà te menge Perisiyu ne migkeg̵iyan dan si Jesus te, “Ahaa nu is menge sumusundan nu su edsupaken dan is insug̵ù kenitew te Megbevayà su maan is midlegtey zan kayi te Andew te Kedhimeley.”

Marcos 2:16

Ne zuen dutun daan menge Perisiyu he menge menunudlù te kesug̵uan. Ne hein neehè dan he egkaan si Jesus duma zutun te menge mesinupaken wey menunukut te vuhis, nenginginsà sikandan duen te menge sumusundan ni Jesus, ke sikandan te, “Maan is egkaan si Jesus wey ed-inum duma te menge limbungan he menge menunukut te vuhis wey menge mesinupaken?”

Marcos 2:25

Ne midtavak si Jesus te, “Kenà egkehimu he wazè niw mevasa ziyà te ingkesurat dengan kes mid-ulaula ni Hadì David. Sikandin wey is menge sundaru zin, midlised sikandan su nengevitil zan.

Marcos 2:7

“Tekew en egkag̵i heini he etew he ebpekepesaylu sikandin te salà. Edsupaken din is Megbevayà su hentei is ebpekepesaylu te menge salà, kekenà, iyan dà is Megbevayà?”

Hibriyuhanen 12:3

Ne si Jesus, ne utew merasey is impeseg̵azan kandin tenged te kebpesipelahi kandin te menge lalung he etew. Tenged kayi isipa niw layun sikandin su wey kenà maawà is kedhamen niw te kedsarig niw, ne kenè kew edtepulen te ked-ulaula te meupiya.