Marcos 2:2 - Manobo Western Bukidnon

² Ne nengetig̵um sikandan dutun te valey. Utew mezakel is menge etew zutun ne tenged kayi wazè dan en ed-ereg̵an minsan diyà te zeringdingan he uvey te g̵emawan. Ne impesavut kandan ni Jesus is Lalag te Megbevayà.

Marcos 2:2 Кръстосани препратки

Mateo 5:2

ne mibpenurù din sikandan.

Marcos 1:14

Ne hein impezakep en ni Hadì Hirudis si Juan, midlikù si Jesus diyà te prubinsya he Geliliya ne impesavut din dutun te menge etew is Meupiya he Tudtulanen he ebpuun te Megbevayà.

Marcos 1:33

Ne utew mezakel he menge etew zutun te inged is netipun diyà te lama te valey he zutun si Jesus.

Marcos 1:37

Ne hein neturedu zan, migkag̵i zan diyà te kandin te, “Ebpen-ahaan ka te langun he menge etew.”

Marcos 1:45

Iyan, hein mid-awà dutun haazà is etew, midtudtul zin haazà is nehimu ziyà te kandin diyà te minsan hentei. Ne tenged dutun kenè en maan si Jesus ebpekepeg̵awag̵awa ke edhendutun te menge inged su egkeamur-amur is mezakel he menge etew. Diyè dà si Jesus edrig̵urig̵u te menge unayan. Ne midangep kandin is menge etew he ebpemuun diyà te minsan hendei he inged.

Marcos 2:1

Ne nepipira pa zutun he menge andew, midlikù si Jesus diyà te inged he Kepirnaum. Ne nezineg te menge etew he ziyà si Jesus te valey zin.

Marcos 2:13

Ne neipus haazà, ne mid-awà dutun si Jesus, ne midhendiyè en maan te veyvey te ranew, ne nengetig̵um diyà te kandin is mezakel he menge etew ne mibpenurù din sikandan.

Marcos 6:34

Ne hein migaun si Jesus puun dutun te avang ne neehè din he nengeamur-amur zutun is utew mezakel he menge etew. Ne nehizuwan din sikandan su henduen be sikandan te menge ayam he kerehidu he wazà ed-elima kandan. Utew zan mekehizuhizu. Umba, mezakel is impenurù din kandan dutun.

Lucas 12:1

Ne sevaha he andew, utew mezakel he menge etew is edhahasekhasek he ed-uvey ziyà te ki Jesus. Ne zutun migkag̵i si Jesus, asal iyan egkeg̵iyan din is menge sumusundan din, ke sikandin te, “Andam kew wey niw melikayi is tapey te menge Perisiyu, he ke và dà egkeg̵iya, is tarù he kedtuu zan te Megbevayà.

Lucas 5:17

Sevaha he andew he ebpenurù si Jesus, duen ebpemimpinuu he mezakel he menge Perisiyu wey menge menunudlù te kesug̵uan he midtelavuk dutun. Diyà haazà ebpemuun te langun he menge inged he sakup te Geliliya wey sakup te Hudiya. Ne zuen daan duma zan dutun he ebpemuun te Hiruselim. Ne zutun te ki Jesus is gehem te Megbevayà su wey zin mevewii is menge etew.

Lucas 8:1

Nepipira pa zutun he andew ne mibeyaan ni Jesus is mezakel he menge inged, dekelà wey se zeisek, ne impesavut din te menge etew zutun is Meupiya he Tudtulanen mehitenged te kedhedii te Megbevayà te menusiyà. Ne sikan is sepulù wey zezuwa he sumusundan din, miduma zan daan kandin.

Lucas 8:11

Ne ke si Jesus te, “Ibpesavut ku keniyu is kehulug̵an kayi te sempità. Haazà is benì, ne iyan is Lalag te Megbevayà.

Nengeulaula 11:19

Ne zuen menge tumutuu he nememelag̵uy tenged te menge kebpesipelahi zutun te menge edsarig ki Jesus hein mibunù si Esteban. Ne nemekedsusuwey zan pehendiyà te tanà he Pinisi wey te pulu ziyà te zag̵at he egngezanan te Sipru wey ziyè dan daan te inged he Entiyukya. Ne mibpenudtul zan is Lalag te Megbevayà, iyan, diyè dà te menge Hudiyu.

Nengeulaula 14:25

Ne impesavut dan is Lalag te Megbevayà diyà te inged he Pirga ne zutun midtupang dan pehendiyà te Etalya. Ne zutun mid-untud dan te barku

Nengeulaula 16:6

Ne ziyè dan mekevayà te menge inged he ziyà te Perigya wey Gelasya su wazà sikandan tug̵uti te Wag̵as he Mulin-ulin he ibpesavut dan is Lalag te Megbevayà diyà te prubinsya he Asya.

Nengeulaula 8:25

Ne seled te nepipira he andew zutun, si Pedro wey si Juan, mibpenudtul zan is keag̵i ni Jesus wey impesavut dan is lalag te Nengazen. Ne zutun mid-ulì dan diyà te Hiruselim. Ne ziyà te imbayè dan he mezakel he menge inged te prubinsya he Semarya impesavut dan te menge etew zutun is Meupiya he Tudtulanen.

Ruma 10:8

Su zuen duma pa he insurat he Lalag te Megbevayà he ebpesavut kenita he utew melemu is kebpeketuu ta te Lalag te Megbevayà su is Lalag te Megbevayà, daan dini te kenita, ne egkehimu he ibpenudtul ta te zuma. Ne heini is Lalag te Megbevayà mehitenged te kedtuu ki Kristu, ne iyan daan edtudtulen dey.

2 Timoteo 4:2

Ne tenged kayi iyan idtelaan ku kenikew is: ipesavut nu is Lalag te Megbevayà. Kinahanglan he layun ka andam te kebpesevuta te lalag din te minsan keenu he timpu ke zuen egkesuat he ebpemineg wey ke wazà. Dewaya nu is menge etew, sembag̵i nu he med-iniyug dan te mezaat he ulaula. Hengyui nu sikandan. Kinahanglan he layun ka mepelevayen is ebpenurù kandan.