Marcos 2:19 - Manobo Western Bukidnon

^19-20 Ne migkag̵i si Jesus diyà te kandan te, “Penenglitan ke zuen eseweey, is menge zuma zutun te ebpengesawa, kenè dan egkeisip he edsalang dan te kegkaan ke kemulu zan pa zuma haazà is ebpengesawa. Ne zutun te timpu he ibpaawà diyà te kandan sikan is ebpengesawa, human dan edsalang egkaan. Ne iring din ded daan is menge sumusundan ku su te kemulu e pa zini te kandan, kenè dan edsalang te kegkaan.”

Marcos 2:19 Кръстосани препратки

Mateo 9:15

Ne migkag̵i si Jesus diyà te kandan te, “Penenglitan, ke zuen eseweey kenà egkehimu he kenà edlipey is menge zuma te ebpengesawa ke kemulu zan pa zuma haazà is ebpengesawa. Ne zutun te timpu he ibpaawè en diyà te kandan sikan is ebpengesawa, human sikandan edsalang egkaan. Iring din ded daan is menge sumusundan ku su te kemulu e pa zini te kandan, kenè dan edsalang egkaan.”

Marcos 2:18

Ne sengeandew zutun, edsalang te kegkaan is menge Perisiyu wey is menge sumusundan ni Juan Megbebewtismu su edtumanen dan is tuluuwen te menge Hudiyu. Ne zuen menge etew he midhendiyà te ki Jesus ne ke sikandan te, “Is menge sumusundan ni Juan Megbebewtismu wey is menge sumusundan te menge Perisiyu, edsalang dan te kegkaan su wey zan mepurungi is ked-azap dan te Megbevayà. Ne maan man is kenà mulà edsalang te kegkaan is kenikew he menge sumusundan?”