Marcos 2:17 - Manobo Western Bukidnon

¹⁷ Nezineg haazà ni Jesus ne midtavak sikandin pinaag̵i te sempità, ke sikandin te, “Sikan is wazè din daru, ne kenà egkinahanglan he ebewian, kekenà, iyan dà sikan is duen din daru. Siak, wazà a medhendini wey ku ikepeengked te ed-ulaula te mezaat is menge metazeng, kekenà, iyan is menge mesinupaken te Megbevayà.”

Marcos 2:17 Кръстосани препратки

Mateo 18:10

Ne is menge etew he iring kayi te menge vatà, kenè niw lupig̵i is minsan sevaha kandan su venar is egkeg̵iyen ku keniyu he is menge velinsug̵uen te Megbevayà he ebantey kandan, kenà ed-awà diyà te etuvangan te Amey ku he Megbevayà he ziyà te langit.

Lucas 15:10

Ne migkag̵i si Jesus med-uman te, “Egkeg̵iyen ku keniyu he iring kayi is kedlipey ziyà te langit te menge velinsug̵uen te Megbevayà emun duen sevaha he mesinupaken he ed-iniyug̵an din is memezaat he ulaula zin.”

Lucas 15:29

Ne midtavak haazà is anak din te, ‘Tenuzi nu, Amà, ke sengemenu is keug̵et te kedterebahu ku kayi he iring te sulug̵uen nu. Wazè nu egketenuzan he sug̵ù nu he wazè ku pemineg̵a te minsan hengkey he timpu. Ne minsan pa zutun ne wazà a kenikew veg̵ayi te minsan kambing dà duen wey a mekelipeylipey zuma te menge emig̵u ku.

Lucas 15:7

Ne ke si Jesus te, “Egkeg̵iyen ku keniyu he iring din ded daan, utew zekelà is kelipey ziyà te langit ke zuen sevaha he mesinupaken he ed-iniyug̵an din is memezaat he ulaula zin, kenà dutun te kesiyawan wey siyew he menge etew he kunaan dan ke memetazeng is ulaula zan wey kenà kinahanglan he ed-iniyug̵an dan haazà is mezaat he ulaula zan.”

Lucas 16:15

Ne zutun migkag̵i si Jesus diyà te kandan te, “Iyan kew sikan is henduen be te meupiya is ulaula ke ziyà te etuvangan te menge etew, iyan, wazà mekeeles te Megbevayà ke hengkey is diyà te isip niw. Is ed-isipen te etew he utew mahal, ne wazè din bali ziyà te Megbevayà.

Lucas 19:10

Ne siak is Kakey te Menusiyà, iyan inhendini ku te kelibutan su wey ku melibri te silut is langun he nemekesuwey te hustu he ibayà.”

Juan 9:34

Ne midtavak dutun is menge punuan te, “Ebpenurù ke ve kenami he mesinupaken ke man utew puun pa te ked-enaka kenikew!” Ne zutun migkeg̵iyan dan sikandin he kenè dan en maan ebmehimuwen he ebpekeseled sikandin diyà te menge simbahan dan te menge Hudiyu.

Juan 9:40

Ne zuen menge Perisiyu he nekezineg dutun te menge lalag din, ne ke sikandan te, “Lakap bes is kedsavut dey?”

Nengeulaula 20:21

Hudiyu se kenà Hudiyu, ne wazè ku impelavi su pudu ku midweliyi he kinahanglan he edtumanen dan is ebpeveelan kandan te Megbevayà he iniyug̵i zan is menge mezaat he ulaula zan ne medtuu zan te Nengazen tew he si Jesus.

Nengeulaula 26:20

Midhuna a ziyà te inged he Demasku ne human diyà te Hiruselim. Ne zutun mid-eneb ku is prubinsya he Hudiya ne midhendiyà a zaan te menge etew he kenà menge Hudiyu. Impesavut ku kandan he kinahanglan he iniyug̵i zan is menge salè dan, ne medtuu zan te Megbevayà ne ipeehè dan pinaag̵i te ulaula zan he tutuu is ked-iniyug̵i zan te mezaat he ulaula.

Tito 2:14

Mibpehimatey sikandin he elili kenitew wey kiw zin melibri te kebpekeulaula tew te mezaat ne wey kiw zin daan mehimu he menge g̵aked din he etew he nelumpiyuwan he utew en egkengesuat he ed-ulaula te meupiya.