Marcos 16:14 - Manobo Western Bukidnon

¹⁴ Ne zutun, mibpaahà daan si Jesus dutun te sepulù wey sevaha he menge sumusundan din te timpu he egkekaan sikandan. Midsawey zin sikandan tenged te kezesen te isip dan su wazè dan medtuu te menge etew he nemenudtul he nekeahà kandin he nevanhew.

Marcos 16:14 Кръстосани препратки

Mateo 11:20

Ne zutun, is menge meg̵inged kayi te menge inged he mibpaahaan ni Jesus te mezakel he egkengein-inuwan, midsawey zin su wazè dan iniyug̵i is memezaat he ulaula.

Mateo 17:20

Ne midtavak si Jesus te, “Wazè niw meulii tenged te utew zeisek is kedtuu niw. Tentenuzi niw he ke zuen niw kedtuu, minsan utew zà deisek iring te lisu te mustasa, egkehimu he egkekeg̵iyan niw heini is buvungan he medhalin, ne ebpemineg keniyu. Minsan hengkey, ne egkehimu niw.

Mateo 28:17

Ne zutun neehè dan sikandin. Ne minsan te nezuwazuwa is duma kandan he edtuu mehitenged te kegkevanhew zin, dutun te kegkeahaa zan kandin, mid-azap dan kandin.

Marcos 7:18

Ne ke si Jesus te, “Iring kew ves te menge zuma he etew su maan is wazè niw g̵eina mesavut he is egkekaan te etew, ne kenà egkehimu he igkeepesi kandin te Megbevayà

Lucas 24:11

Iyan, sikan is menge epustul ni Jesus, kunaan dan ke kenà tutuu haazà ne wazè dan medtuu zutun te tudtul te menge vahi.

Lucas 24:25

Ne zutun migkag̵i si Jesus diyà te kandan te, “Kurang kew pe bes te ked-isip. Maan is utew mereg̵en diyan te keniyu is kebpeketuu niw te langun he netagnà dengan te menge ebpemeneuven te Megbevayà?

Juan 20:25

Ne tenged dutun midtudtulan sikandin te menge zuma zin he sumusundan, ke sikandan te, “Mibpaahà kenami is Nengazen tew.” Iyan, migkag̵i si Tomas te, “Kenà a ebpeketuu he nevanhew sikandin emun kenè ku egkeahà is menge velad din he nepelian te ransang. Ne emun kenè ku egketiyukan te tezù ku is palì diyà te velad din wey ziyà te kilid din, kenà a ebpeketuu.”

Juan 20:26

Nekewalu pa zutun, nengetig̵um en maan haazà is menge sumusundan ni Jesus duen te netig̵uman dan ded he valey, ne zutun daan si Tomas. Midlekevan dan ded haazà is baley ne minsan pa zutun netekewtekew si Jesus mekehitindeg dutun te teliwazè dan. Ke sikandin te, “Berakat he mebmelinawen kew.”

Juan 20:27

Ne zutun migkeg̵iyan din si Tomas te, “Itiyuk nu kayi is tezù nu; is belad nu zaan, itiyuk nu kayi te kilid ku; ahaa nu is menge velad ku ne kenà ke en maan meduwazuwa, kekenà, tuu ka.”

Juan 21:1

Netapus pa is nepipira he andew zutun, ne mid-uman mebpaahà si Jesus dutun te menge sumusundan din diyà te veyvey te ranew he Tibiryas. Ne iring kayi is hitavù te kebpeehè din kandan.

Juan 21:14

Iketelu en haazà he kebpaahà ni Jesus dutun te menge sumusundan din hein nevanhew en sikandin.

1 Kurintu 15:5

Ne mibpaahà sikandin ki Pedro ne zutun mibpaahà daan te menge epustul zin.

Impezayag 3:19

Is langun he menge etew he mahal zini te g̵ehinawa ku, edsewayan ku wey edsilutan ku su wey mepenurù sikandan. Ne tenged dutun purungi niw is ulaula niw wey iniyug̵i niw is ulaula niw he mezaat.