Marcos 16:13 - Manobo Western Bukidnon

¹³ Ne midlikù dan diyà te Hiruselim ne mibpenudtulan dan is menge zuma zan he neehè dan si Jesus, iyan, minsan pa zutun wazà medtuu is menge zuma zan.

Marcos 16:13 Кръстосани препратки

Mateo 28:17

Ne zutun neehè dan sikandin. Ne minsan te nezuwazuwa is duma kandan he edtuu mehitenged te kegkevanhew zin, dutun te kegkeahaa zan kandin, mid-azap dan kandin.

Marcos 16:11

Ne hein midtudtulan sikandan ni Maria he neehè din si Jesus su nevanhew en, wazè dan tuuwi.

Marcos 16:14

Ne zutun, mibpaahà daan si Jesus dutun te sepulù wey sevaha he menge sumusundan din te timpu he egkekaan sikandan. Midsawey zin sikandan tenged te kezesen te isip dan su wazè dan medtuu te menge etew he nemenudtul he nekeahà kandin he nevanhew.

Lucas 16:31

Ne migkag̵i zutun si Abraham te, ‘Emun kenè dan ebpemineg̵en is menge surat ni Moises wey te ebpemeneuven te Megbevayà dengan, kenè dan daan ebpemineg minsan ke zuen egkevanhew he minatey he edhendiyà te kandan.’ ”

Lucas 24:11

Iyan, sikan is menge epustul ni Jesus, kunaan dan ke kenà tutuu haazà ne wazè dan medtuu zutun te tudtul te menge vahi.

Lucas 24:41

Ne g̵eina te kemulu zan pa eduwazuwa, asal, utew zan nengeg̵alew, mid-insà si Jesus te, “Duen be egkeenen niw kayi?”

Juan 20:25

Ne tenged dutun midtudtulan sikandin te menge zuma zin he sumusundan, ke sikandan te, “Mibpaahà kenami is Nengazen tew.” Iyan, migkag̵i si Tomas te, “Kenà a ebpeketuu he nevanhew sikandin emun kenè ku egkeahà is menge velad din he nepelian te ransang. Ne emun kenè ku egketiyukan te tezù ku is palì diyà te velad din wey ziyà te kilid din, kenà a ebpeketuu.”

Juan 20:8

Ne zutun midseled daan sikan is sumusundan he nehuna he nekeuma. Neehè din daan haazà is langun, ne minsan pa te wazè dan pa metueni is menge insurat he tagnà he kinahanglan he ebenhawen si Jesus, midtuu sikandin dutun he nevanhew en si Jesus.