Marcos 16:11 - Manobo Western Bukidnon

¹¹ Ne hein midtudtulan sikandan ni Maria he neehè din si Jesus su nevanhew en, wazè dan tuuwi.

Marcos 16:11 Кръстосани препратки

Mateo 28:17

Ne zutun neehè dan sikandin. Ne minsan te nezuwazuwa is duma kandan he edtuu mehitenged te kegkevanhew zin, dutun te kegkeahaa zan kandin, mid-azap dan kandin.

Marcos 9:19

Ne zutun migkag̵i si Jesus te, “Sikiyu is menge etew g̵untaan, wazè niw iyan kedtuu te Megbevayà. Utew ves egkeug̵et is kebpekiduma ku keniyu. Utew ves egkeug̵et is kebpekeantus ku keniyu ne human kew edtuu. Ihengkayi niw heeyan is batà.”

Lucas 24:11

Iyan, sikan is menge epustul ni Jesus, kunaan dan ke kenà tutuu haazà ne wazè dan medtuu zutun te tudtul te menge vahi.

Lucas 24:41

Ne g̵eina te kemulu zan pa eduwazuwa, asal, utew zan nengeg̵alew, mid-insà si Jesus te, “Duen be egkeenen niw kayi?”

Juan 20:25

Ne tenged dutun midtudtulan sikandin te menge zuma zin he sumusundan, ke sikandan te, “Mibpaahà kenami is Nengazen tew.” Iyan, migkag̵i si Tomas te, “Kenà a ebpeketuu he nevanhew sikandin emun kenè ku egkeahà is menge velad din he nepelian te ransang. Ne emun kenè ku egketiyukan te tezù ku is palì diyà te velad din wey ziyà te kilid din, kenà a ebpeketuu.”