Marcos 16:10 - Manobo Western Bukidnon

¹⁰ Ne heini si Maria, mibeyaan din is menge sumusundan ni Jesus. Ebpemenineg̵ew he egkengeseeng haazà is menge sumusundan ni Jesus tenged te kedhimetayi ki Jesus.

Marcos 16:10 Кръстосани препратки

Mateo 19:22

Ne hein nezineg heini zutun te menguhed he etew, ne mid-ulì he utew mibmesakit is gehinawa zin su utew zekelà is ketig̵eyunan din.

Mateo 24:30

Ne zutun, siak is Kakey te Menusiyà, egkeahà diyà te langit is tuus te kebpekeuma ku. Ne zutun utew egkengeseeng is langun he menge etew zini te kelibutan. Ne egkeehè e zan is Kakey te Menusiyà diyà te menge g̵apun su ebpekeuma a. Ne utew zekelà is gehem ku wey utew merayag is ked-anlag ku.

Mateo 9:15

Ne migkag̵i si Jesus diyà te kandan te, “Penenglitan, ke zuen eseweey kenà egkehimu he kenà edlipey is menge zuma te ebpengesawa ke kemulu zan pa zuma haazà is ebpengesawa. Ne zutun te timpu he ibpaawè en diyà te kandan sikan is ebpengesawa, human sikandan edsalang egkaan. Iring din ded daan is menge sumusundan ku su te kemulu e pa zini te kandan, kenè dan edsalang egkaan.”

Marcos 14:72

Ne zutundutun mid-ukarà is manuk te ikezuwa ne human metenuzi ni Pedro sikan is migkag̵i kandin ni Jesus he ke sikandin te, “Te kenè pe kan ed-ukarà is manuk te kezezuwa, ne ketetelu ke en ebpekekag̵i he kenà a kenikew egkekilala.” Ne zutun nekelelendag si Pedro su utew mibmesakit is gehinawa zin.

Lucas 24:17

Ne migkag̵i si Jesus diyà te kandan te, “Hengkey is edhisgutan niw te edhipanew?” Ne neketeren dan dutun ne egkeahà diyà te kebuvuked dan he utew zan egkeseeng.

Juan 16:6

kekenà, utew kew egkengeseeng tenged te migkag̵i ku keniyu is egkengeantus niw he kemeresayan keuzemà.

Juan 20:18

Ne mibeyaan ni Maria Megdelina sikan is menge sumusundan ne ke sikandin te, “Neehè ku is Nengazen tew,” ne zutun mibpenudtul zin haazà is migkag̵i ni Jesus.