Marcos 15:47 - Manobo Western Bukidnon

⁴⁷ Ne si Maria Megdelina wey si Maria he iney ni Jose, neehè dan haazà ke hendei isavuk is lawa ni Jesus.

Marcos 15:47 Кръстосани препратки

Mateo 27:56

Ne zutun si Maria Megdelina, wey si Maria, sikan is iney ni Santiago wey ni Jose, ne elin daan sikan is esawa ni Sibidiyu.

Mateo 27:61

Ne si Maria Megdelina, wey sikan is sevaha he Maria, dutun dan ebpimpinuu is ebantey zutun te surung.

Mateo 28:1

Ne hein neiwas haazà is Andew te Kedhimeley te meg̵aan egkepawà dutun te andew he Duminggu, midhendiyà te penlevengà ensi Maria Megdelina wey kes duma zin, he Maria zaan is ngazan, su ed-ahaan dan sikan is surung.

Marcos 15:40

Ne zutun te malù meziyù, duen daan menge vahi he ed-ahà. Ne zutun si Maria Megdelina, si Maria he iney ni Jose wey ni Santiago he zeisek. Ne elin daan dutun si Selumi.

Marcos 15:46

Mibpemasa si Jose te meputì he malung ne migkuwa zin is lawa ni Jesus ne mibukusan din dutun te malung he meputì. Ne zuen surung he penlevengà he ingkalut diyà te kelendig̵an he pag̵ang. Ne zutun din iseled is lawa ni Jesus. Ne midlilizan din haazà te zekelà he vatu he idlekeb dutun te penlevengà.

Marcos 16:1

Ne hein neiwas dutun is Andew te Kedhimeley, si Maria Megdelina, wey si Maria he iney ni Santiago, wey si Selumi, mibpemasa zan te pehemut su edhendiyè dan te penlevengà wey zan ikehaplas haazà is pehemut te lawa ni Jesus.

Lucas 23:55

Ne sikan is menge vahi he ebpemuun diyà te Geliliya he nemenduma ki Jesus, ne miduma zan ki Jose te edleveng dutun te lawa ni Jesus. Ne neehè dan is midsevukan ki Jesus dutun te penlevengà.