Marcos 15:34 - Manobo Western Bukidnon

³⁴ Ne hein liwazè en he ebpenaug is andew zutun, ingkulahì ni Jesus is utew mezag̵ing he lalag he edhenduen te, “Ili, Ili, lama sebektani,” he ke và dà egkeg̵iya, “He Megbevayè ku, maan is ed-iniyug̵an a kenikew?”

Marcos 15:34 Кръстосани препратки

Mateo 27:45

Ne te neudtu en is andew zutun, midtik-ew mebmerusirem is tivuuk he kelibutan seled te menge tetelu he uras.

Mateo 27:46

Ne hein liwazè en he ebpenaug is andew, ingkulahì ni Jesus is utew mezag̵ing he lalag he edhenduen te, “Ili, Ili, lama sebektani?” he ke và dà egkeg̵iya, “He Megbevayè ku, maan is ed-iniyug̵an a kenikew?”

Marcos 15:25

Liwazè en ebpemenahik is andew hein inransang dan si Jesus.

Marcos 15:35

Ne zutun, is duma he etew he ebpemenhithitindeg dutun te uvey, hein nezineg dan haazà is lalag, ke sikandan te, “Pemineg kew su ebpengumawen din si Elias is sevaha zuen te ebpeneuven dengan te Megbevayà.”

Lucas 23:44

Ne hein neudtu is andew zutun ne midtik-ew mebmerusirem is tivuuk he kelibutan seled te menge tetelu he uras.

Lucas 23:46

Ne zutun ne migkulahì si Jesus is egkag̵i te, “Amà, ibpeg̵ewezan ku en kenikew is gimukud ku.” Ne iyan dà haazà ne naawà is gehinawa zin.

Nengeulaula 10:3

Ne sengeandew te liwazè pa ebpenaug is andew zutun te mahapun, mibpaahà ki Cornelio is belinsug̵uen te Megbevayà. Ne nepurung memelmeleg̵i ni Cornelio haazà. Ne midseled dutun te valey haazà is belinsug̵uen ne migkeg̵iyan din si Cornelio te, “He Cornelio!”

Hibriyuhanen 5:7

Ne hein kemulu pa si Jesus dini te kelibutan, ne mibpenig̵is is luhè din ne nekelelendag sikandin tenged te utew meheg̵et is kebuyù din wey ked-ampù din diyà te Megbevayà he iyan ebpekelibri kandin te kemetayen. Ne tenged te zekelà is kedtahud din wey kedtumana zin te menge sug̵ù te Megbevayà, midineg is ked-ampù din te Megbevayà.