Marcos 15:19 - Manobo Western Bukidnon

¹⁹ Ne layun dan edlegkuta is ulu zin te tuked ne mid-ilevan dan, ne midluhuzan dan kun uvag.

Marcos 15:19 Кръстосани препратки

Mateo 27:30

Ne mid-ilevan dan ne midsekelew zan haazà is tuked ne imbadas dan diyà te ulu zin.

Marcos 10:34

Ne is menge etew he kenà menge Hudiyu, ed-iringen e zan te velvelayen; ebpengilevan e zan, ne ebug̵elen e zan ne edhimetayan e zan ne seled te iketelu he andew zutun ebenhawen a te Megbevayà.”

Marcos 14:65

Ne is menge zuma zutun, mid-ilevan dan si Jesus, ne mibedbed dan is mata zin ne midsumbag dan te egkag̵i te, “Tegnaa nu ke hentei is midsumbag kenikew!” Ne migewezan sikandin te menge sundaru zutun ne mibpenabpì dan sikandin.

Marcos 15:18

Ne edtahud dan uvag kandin, ke sikandan te, “Kumusta ka is hadì te menge Hudiyu!”

Marcos 15:20

Ne hein nepezè dan en he ebaleyvaley kandin, midluwasan dan duen te kumbalà he merig̵à ne insun-ud dan kandin is daan he kumbalè din. Ne zutun mid-uwit dan sikandin pehendiyà te g̵awas dutun te inged su idransang dan te krus.

Marcos 9:12

Ne midtavak si Jesus te, “Tutuu iyan he edhuna ebpekeuma si Elias su ed-endamen din is langun, iyan, maan is netagnà dengan dutun te ingkesurat he Lalag te Megbevayà he siak is Kakey te Menusiyà, mezakel is memerasey he egkeantus ku ne edsumpeliten a.

Lucas 22:63

Ne haazà is menge etew he ebantey ki Jesus, ne mid-eled-eled dan sikandin. Ne mibagkes dan is menge mata zin ne midsumbag dan sikandin, ne ke sikandan te, “Tegnaa nu ke hentei is midsumbag kenikew.”

Lucas 23:11

Ne zutun si Hirudis wey is menge sundaru zin, ne mibaleyvaley zan si Jesus ne mid-eled-eled dan sikandin. Ne midsun-uzan dan te meupiya he bisti su uvag kun hadì, ne zutun impelikù dan diyà te ki Pilatu.

Lucas 23:36

Ne kes menge sundaru zaan, ne ebpen-undaunda zaan kandin. Mid-uvey zan diyà te kandin su ibpeinum dan te vinu.

Ruma 11:4

Ne midtavak kandin is Megbevayà te, “Duen pitu pa he libu he menge etew he zuma nu he kevuwazan ni Israyil he wazè dan ezapa si Baal, is kenà tutuu he megbevayà.” Iyan heini Lalag te Megbevayà ki Elias.

Pilipus 2:10

Ne umba mid-ulaula heini te Megbevayà su ke egkezineg is gerar ni Jesus, ed-ezapen si Jesus te minsan hentei he linimbag he ziyà te langit wey zini te tanà, wey minsan diyà te Iveyaan. Ebpekeluhud dan kandin,

Hibriyuhanen 13:13

Umba, menge suled, egawas kiw zaan te inged ne edhendiyè kiw en te kandin, he ke và dà egkeg̵iya, kenè tew en edserig̵an is kedtumana te menge tuluuwen te menge Hudiyu, kekenà, iyan dà edserig̵an tew si Jesus. Edsundanan tew sikandin ne kenè tew igkehandek is ked-entusa tew te kedsudia kenitew tenged te kedtuu tew kandin.