Marcos 15:15 - Manobo Western Bukidnon

¹⁵ Ne zutun midlibri ni Pilatu si Berabas wey zin mepenunuat is gehinawa zutun te menge etew. Ne impevug̵el zin si Jesus ne insug̵ù din te menge sundaru he iransang diyà te krus.

Marcos 15:15 Кръстосани препратки

Mateo 20:19

ne ibpalad e zan daan diyà te menge etew he kenà menge Hudiyu. Ne is menge etew he kenà menge Hudiyu, ne ed-iringen e zan te velvelayen, ebug̵elen e zan, ne idransang e zan te krus su edhimetayan a. Ne seled te tetelu he andew zutun, ebenhawen a te Megbevayà.”

Mateo 27:26

Ne zutun midlibri ni Pilatu si Berabas. Ne impevug̵el zin si Jesus ne insug̵ù din te menge sundaru he iransang dan si Jesus diyà te krus.

Marcos 10:34

Ne is menge etew he kenà menge Hudiyu, ed-iringen e zan te velvelayen; ebpengilevan e zan, ne ebug̵elen e zan ne edhimetayan e zan ne seled te iketelu he andew zutun ebenhawen a te Megbevayà.”

Marcos 15:14

Ne ke si Pilatu te, “Maan? Duen be mezaat he mid-ulaula zin?” Iyan, mid-iseg is keg̵urub dutun te menge etew he ebpememensag te, “Iransang te krus!”

Lucas 18:33

Ebug̵elen e zan, ne human e zan edhimetayi. Iyan, seled te tetelu he andew zutun ne ebenhawen a te Megbevayà,” ke si Jesus.

Lucas 23:16

Ne ibpevug̵el ku zà sikandin ne ibpeg̵awas ku en.”

Juan 19:1

Ne zutun insug̵ù ni Pilatu he ipevug̵el si Jesus.

Juan 19:16

Ne zutun intug̵ut ni Pilatu he iransang si Jesus diyà te krus. Ne is menge sundaru, mid-uwit dan si Jesus

Nengeulaula 24:27

Ne hein dezuwa en he tuig dutun nekeilis si Pursyu Pistu ki Felix he gubirnedur. Ne si Felix, geina te egkesuatan din he wazà ibmezaat te g̵ehinawa te menge Hudiyu kandin, wazè din libriya si Pablo.

Nengeulaula 25:9

Ne zutun si Pistu, geina te iyan gustu zin he mebmeupiya is gehinawa te menge Hudiyu mehitenged kandin, migkeg̵iyan din si Pablo te, “Egkesuat ke ve he edhendiyà te Hiruselim su ziyè ku sikew ed-imbistigaha?”

Gelasya 1:19

Ne neehè ku zaan dutun si Santiago, sikan is hazi te Nengazen tew he si Jesus, ne wazà duma he epustul he neehè ku zutun, iyan dà sikandan is dezuwa.

1 Pedro 2:24

Iyan si Kristu midsilutan tenged te menge salè tew zutun te kedrensanga kandin diyà te krus. Umba iyan sikandin midsilutan su wey tew meengkezi is menge mezaat he ulaula ne wey tew iyan meulaula is metazeng. Is menge palì din dutun, ne iyan nekevawì kenitew.