Marcos 15:10 - Manobo Western Bukidnon

¹⁰ Iyan ingkeg̵iya ni Pilatu zutun su netuenan din he iyan ketezengan ke maan is insumbung si Jesus te menge punuan te memumuhat su egkesina zan kandin.

Marcos 15:10 Кръстосани препратки

Mateo 27:18

Su netuenan ni Pilatu he iyan hinungdan ke maan is insumbung si Jesus te menge punuan is kegkesina zan kandin.

Marcos 15:11

Iyan, is menge punuan he memumuhat, migkeg̵iyan dan is menge etew he iyan dan hengyua he edlibriyen si Berabas. Ne iyan haazà mid-ulaula zutun te menge etew.

Marcos 15:9

migkag̵i si Pilatu te, “Egkesuatan niw ve he edlibriyen ku keniyu is hadì te menge Hudiyu?”

Nengeulaula 13:45

Iyan, hein nengeahà te menge Hudiyu is mezakel he menge etew, nengesina zan engki Pablo ne midsumpalit dan is impenurù ni Pablo ne mibpenulè dan sikandin.

Tito 3:3

Su sikita zaan is tumutuu, engey ki zengan wey mesinupaken ki te Megbevayà su wazè ta meturedu is tutuu he ibayà. Nengeuripen ki te menge mezaat he kebayà te lawa ta wey te menge kelipey he kenà meupiya. Neteg̵eb dengan is isip ta te kelelalung wey kesina. Nepeukan ki te menge etew ne nepeukan ta zaan sikandan.

Santiago 4:5

Kenè niw isipa he kenà tutuu sikan is insurat he Lalag te Megbevayà he edhenduen te, “Is gehinawa he imbeg̵ey kenita te Megbevayà, nehimu he mezesen is kegkesuati zin te mezaat he ulaula,

1 Juan 3:12

Kenè tew ed-iringan si Kain su sakup sikandin ni Setanas ne mibunù din is hazi zin. Umba mibunù din su mezaat is kandin he ulaula ne metazeng mulà is menge ulaula te hazi zin.