Marcos 14:72 - Manobo Western Bukidnon

⁷² Ne zutundutun mid-ukarà is manuk te ikezuwa ne human metenuzi ni Pedro sikan is migkag̵i kandin ni Jesus he ke sikandin te, “Te kenè pe kan ed-ukarà is manuk te kezezuwa, ne ketetelu ke en ebpekekag̵i he kenà a kenikew egkekilala.” Ne zutun nekelelendag si Pedro su utew mibmesakit is gehinawa zin.

Marcos 14:72 Кръстосани препратки

Mateo 26:34

Ne zutun migkag̵i si Jesus diyà te ki Pedro te, “Benar is egkeg̵iyen ku kenikew he te kenè pe kan ebpengukarà is manuk, ne ketetelu ke en ebpekekag̵i he kenà a kenikew egkekilala!”

Marcos 14:30

Ne ke si Jesus diyà te ki Pedro te, “Benar is egkeg̵iyen ku he te kenè pe kan ed-ukarà is manuk te kezezuwa g̵untaan te mezukilem ne ketetelu ke en ebpekekag̵i he kenà a kenikew egkekilala.”

Marcos 14:68

Ne si Pedro, mibarew zin haazà te, “Wazè ku hanew ke hengkey is egkeg̵iyen nu ne kenè ku zaan egkesavut ke hengkey is ibpesavut nu.” Ne migawas si Pedro zutun pehendiyà te pultahan te lama. Ne zutun mid-ukarà is manuk.

Marcos 14:71

Ne zutun, mid-amin-amin si Pedro te sapà, ke sikandin te, “Siluti a te Megbevayà ke tarù is lalag ku he kenè ku egkekilala heeyan he etew is egkeg̵iyen niw.”

Lucas 22:60

Iyan, midtavak en maan si Pedro te, “Kenè ku egketuenan heeyan is migkag̵i niw.” Ne zutun te kemulu pa egkag̵i si Pedro ne mid-ukarè en is manuk.

Lucas 22:62

Ne zutun mid-awà si Pedro zutun te menge etew ne nekelelendag is edsineg̵ew.

2 Kurintu 7:10

Su is kegkeseeng he egemiten te Megbevayà, egkehimu he igkehalin te g̵ehinawa te etew su wey melibri sikandin te silut. Ne kenà heini engayan he ibpekedsendit ta, iyan, is kegkeseeng te menge etew he kenà edsundan te Megbevayà, kenà igkehalin te g̵ehinawa zan ne tenged kayi kenà sikandan egkeveg̵ayan te untung he wazè din pidtemanan.