Marcos 14:54 - Manobo Western Bukidnon

⁵⁴ Ne si Pedro, midtinundug daan asal kenà utew ed-uvey ne ziyè dà medtaman te lama zutun te valey te lavew he memumuhat. Ne mibpinuu sikandin dutun is ed-amur ziyà te menge guwardya ne midhizazang diyà te hapuy zutun.

Marcos 14:54 Кръстосани препратки

Mateo 26:3

Ne zutun is menge punuan he memumuhat wey is ebmeg̵urangen te menge Hudiyu, midtig̵um dan diyà te turug̵an ni Keyipas he lavew he memumuhat

Mateo 26:58

Si Pedro, midtinundug, asal kenà utew ed-uvey ne zutun te nekeuma zan en diyà te valey te lavew he memumuhat ne ziyè dà medtaman si Pedro te lama. Ne hein nekeseled en sikandin dutun te lama, mibpesahugsahug sikandin mebpinuu zuen te menge guwardya su ed-ahaan din ke hengkey en is egkeulaula ki Jesus.

Marcos 14:38

Ne migkeg̵iyan sikandan ni Jesus te, “Kenè kew lipezeng, kekenà, ampù kew wey kew mekelikey te menge penggezam keniyu. Edsunud pezem is gehinawa niw, iyan, meluya is lawa niw.”

Marcos 14:66

Ne si Pedro, kemulu pa zutun te lama te valey ne zuen bahi he sulug̵uen te lavew he memumuhat he mid-uvey ziyà te kandin.

Lucas 22:44

Ne utew si Jesus dutun neseeng ne midheg̵etan din is ked-ampù din te Megbevayà ne edteg̵aktak is rimuseng din he iring te lengesa.

Lucas 22:54

Ne zutun midakep dan si Jesus ne mid-uwit dan diyà te valey te lavew he memumuhat. Ne si Pedro, midtinundug daan asal kenà utew ed-uvey.

Juan 18:18

Ne midtetavun te uring is menge pulis wey menge sulug̵uen su meg̵enew haazà, ne edhizazang dan dutun. Ne mid-amur zutun si Pedro te kandan su edhizazang.

Juan 18:25

Ne kemulu pa si Pedro zutun is edhidhizazang. Ne zuen menge etew zutun he mid-insà kandin te, “Kenè ke ve sumusundan daan ni Jesus?” Iyan, mibarew ni Pedro. Ke sikandin te, “Kenà a iyan.”