Marcos 14:39 - Manobo Western Bukidnon

³⁹ Ne zutun midlikù si Jesus ne mid-uman med-ampù te iyan ded gihapun sikan is in-ampù din.

Marcos 14:39 Кръстосани препратки

Mateo 6:7

Emun ed-ampù kew kenè niw g̵emita is mezakel he menge lalag he wazà menge pulus su iyan heini ulaula te menge etew he wazà med-azap te tutuu he Megbevayà. Iyan diyà te g̵ehinawa zan is: ebpemineg̵en te Megbevayà is ked-ampù dan emun utew melug̵ayad.

Marcos 14:38

Ne migkeg̵iyan sikandan ni Jesus te, “Kenè kew lipezeng, kekenà, ampù kew wey kew mekelikey te menge penggezam keniyu. Edsunud pezem is gehinawa niw, iyan, meluya is lawa niw.”

Marcos 14:40

Ne zutun midlikuan din haazà is menge sumusundan din, ne neehè din he nemekelipezeng dan su wazè dan maantus is kebpemetpetayi kandan te tuzug. Ne zutun wazè dan egketuenan ke hengkey is ibpengetezengan dan diyà te ki Jesus.

Lucas 18:1

Ne zuen en maan sempità he impezineg ni Jesus te menge sumusundan din. Ibpesavut din kandan dutun he kinahanglan he kenè dan bungasa te layun ked-ampù ne kenà daan med-engked he edsarig te Megbevayà.

2 Kurintu 12:8

Ketetelu ku en iampù diyà te Megbevayà he iawè din,

Hibriyuhanen 5:7

Ne hein kemulu pa si Jesus dini te kelibutan, ne mibpenig̵is is luhè din ne nekelelendag sikandin tenged te utew meheg̵et is kebuyù din wey ked-ampù din diyà te Megbevayà he iyan ebpekelibri kandin te kemetayen. Ne tenged te zekelà is kedtahud din wey kedtumana zin te menge sug̵ù te Megbevayà, midineg is ked-ampù din te Megbevayà.