Marcos 14:3 - Manobo Western Bukidnon

³ Ne sevaha he timpu zutun he ziyà si Jesus te inged he Bitanya, diyà sikandin te valey ni Simon te it-iten he neulian en. Ne zutun te egkaan dan, nekeuma is bahi he ed-uwit te pelenahan he mibeelan puun te vatu he elebastru he midteg̵uan haazà is pelenahan te mehemut he agwa he mahal utew su lunsey he nardu. Ne mid-uvayan si Jesus dutun te vahi ne midrupet din haazà is bivig dutun te pelenahan ne imbusbus din diyà te ulu ni Jesus haazà is agwa.

Marcos 14:3 Кръстосани препратки

Mateo 21:17

Ne mid-ewaan din sikandan ne mid-awà sikandin dutun te inged he Hiruselim ne midhendiyà te inged he Bitanya, ne zutun medhizeg̵à.

Mateo 25:17

Iring din ded daan sikan is sulug̵uen he mibeg̵ayan te zezuwa he libu he pisus, su netig̵ayun daan te zezuwa pa he libu.

Marcos 14:2

Ne ke sikandan te, “Kenè tew edekepen sikandin te timpu te pista su kela ke edsinamuk is menge etew.”

Marcos 14:4

Ne is duma he etew he nekeahà dutun, wazè dan ikesuat haaza, ne mibpelelelag̵è dan te, “Maan is mid-us-usikan din heeyan is agwa te wazà pulus?

Juan 11:2

Iyan si Maria kes bahi he inhaplas din is agwa ziyà te menge paa ni Jesus, ne interapu zin dutun is menge vulvul zin. Ne meemahan dutun haazà is egkezeruwan he si Lazaro.