Marcos 14:26 - Manobo Western Bukidnon

²⁶ Ne zutun migkanta zan te kedalig te Megbevayà ne hein nepasad haazà, migawas dan ne midhendiyè dan te vuvungan dutun he egngezanan te Ulivuwan.

Marcos 14:26 Кръстосани препратки

Mateo 21:1

Ne hein uvey zan en diyà te inged he Hiruselim su uvey zan te inged he Bitpagi, ne uvey zaan te vuvungan he egngezanan te Ulivuwan, migkeg̵iyan ni Jesus is dezuwa zutun te sumusundan din,

Mateo 26:30

Ne zutun migkanta zan te kedalig te Megbevayà ne hein nepasad haazà migawas dan ne midhendiyè dan te vuvungan he egngezanan te Ulivuwan.

Marcos 14:25

Benar is egkeg̵iyen ku he puun guntaan, ne kenà ad maan ed-inum kayi te vinu taman dutun te timpu keuzemà he ed-iinumè kiw te veg̵u en he vinu emun edhadì is Megbevayà.

Lucas 22:39

Ne zutun migawas si Jesus puun te valey ne midhendiyà te vuvungan he egngezanan te Ulivuwan su zutun dan layun edhizeg̵à ne nemenduma kandin is menge sumusundan din.

Juan 18:1

Ne te neketapus si Jesus dutun he ebpengumew-umew, sikandin wey is menge sumusundan din, midrapas dan te zal-ug he egngezanan te Kidrun. Ne zuen menge kayu he impemula zutun ne zutun dan mebpundu.

Nengeulaula 16:25

Ne hein metaneb en is kezukileman, mid-ampù si Pablo wey si Silas wey migkanta zan is edalig te Megbevayà, ne ebpememineg kandan is menge zuma zan he pirisu.

1 Kurintu 14:15

Tenged kayi egkesuatan ku he mekeampù a he ed-ulinan te Wag̵as he Mulin-ulin, iyan, egkesuatan ku zaan he mesavut te menge zuma ku ke hengkey is egkeg̵iyen ku. Ne emun egkanta a, egkesuatan ku he ed-ulinan a is egkanta te Wag̵as he Mulin-ulin, iyan, kinahanglan daan he egkesavut haazà is egkentahan ku.

Kulusas 3:16

Menge suled, layun niw zewata is impesavut ni Kristu. Pepempenuruey kew wey mebpesemsembag̵è kew sumalà is ketau te kada sevaha. Kanta kew te menge idalig te Megbevayà, wey menge Salmo, wey elin daan is menge kentahan he ibpinted keniyu te Wag̵as he Mulin-ulin. Kentahi niw is Megbevayà he utew zekelà is kebpeselemati niw kandin.

Santiago 5:13

Ke zuen minsan hentei keniyu he egkeseeng, kinahanglan he med-ampù. Ke zuen egkelipey, megkanta sikandin te kedalig te Megbevayà.

Impezayag 5:9

Ne egkanta zan te veg̵u en he kentahan, ke sikandan te, “Dait ka he egkuwa te velesahan wey ed-awà te menge tiyap din su mibpehimatey ka ne imbelukas nu is lengesa nu te menge etew wey maangken sikandan te Megbevayà. Ebpemuun sikandan diyà te minsan hengkey he kepuun wey kineg̵iyan wey tribu wey g̵inhedian.