Marcos 14:21 - Manobo Western Bukidnon

²¹ Siak is Kakey te Menusiyà, ebpatey a sumalà te netagnà duen te insurat he Lalag te Megbevayà, iyan, kehizu utew te etew he ed-akal kedì. Meupiya pa ziyà te kandin ke wazè en sikandin ianak.”

Marcos 14:21 Кръстосани препратки

Mateo 26:54

Iyan,” ke si Jesus, “emun ebpetavang a kandin ne kenà egketuman sikan is nengetagnà dengan dutun te insurat he Lalag te Megbevayà; ne kinahanglan he egkeulaula haazà sumalà is netagnà,” ke sikandin.

Mateo 26:56

Iyan, guntaan, human en egkeulaula heini is langun kayi su egketuman sikan is menge tagnà he insurat dengan te ebpemeneuven te Megbevayà.” Ne hein nekag̵i en ni Jesus haazà, mid-ewaan sikandin dutun te menge sumusundan din su nemelag̵uy zan is langun.

Marcos 14:20

Ne ke si Jesus te, “Iyan is sevaha keniyu te sepulù wey zezuwa he ebpekidtug̵en kedì kayi te edtengelan.

Marcos 14:22

Ne zutun te kemulu zan pa egkaan, mid-amì si Jesus duen te supas, ne mibpeselematan din diyà te Megbevayà ne mibpenevìtevì din haazà ne impemeg̵ey zin dutun te menge sumusundan din. Ne ke sikandin te, “Iyan heini lawa ku; keena niw.”

Marcos 14:49

Kada andew ne zuma a keniyu ziyà te Valey te Megbevayà is ebpenurù ne wazà a keniyu zutun dà dekepa. Iyan, egkeulaula heini su egketuman sikan is menge tagnà diyà te insurat he Lalag te Megbevayà.”

Lucas 22:22

Siak is Kakey te Menusiyà, ebpatey e zed gihapun sumalà is imbanglis kedì te Megbevayà, iyan, kehizu utew te etew he ed-akal kedì.”

Lucas 24:44

Ne zutun migkag̵i si Jesus diyà te kandan te, “Iyan heini sikan is migkag̵i ku keniyu hein kemulu e pa zuma niw. Is langun mehitenged kedì he impesurat dengan te Megbevayà ki Moises, wey kes langun he impesurat din te zuma pa he ebpemeneuven din, wey minsan kes insurat dengan duen te libru te menge Salmo, ne kinahanglan he egketuman pinaag̵i te neulaula zini te kedì.”

Juan 19:28

Ne zutun netuenan ni Jesus he nepasad din en is langun he netagnà mehitenged kandin, ne migkag̵i te, “Egkemezahan a.” Ne pinaag̵i zutun netuman is netagnà dengan diyà te insurat he Lalag te Megbevayà.

Nengeulaula 1:25

he mehimu he epustul he id-ilis ki Hudas. Su si Hudas, mid-engkezan din kes mibpeveelan kandin ne midhendiyè en te hustu he ed-ulian din.”

Nengeulaula 2:23

Ne heini si Jesus, impalad te etew keniyu. Ne zaan he netuenan heini te Megbevayà su iyan imbanglis din ki Jesus. Impehimetayan niw sikandin te menge etew he kenà ed-azap te Megbevayà. Ne inransang dan te krus.

Nengeulaula 4:27

Na,” ke sikandan is ed-ampù te, “netuman en kes migkag̵i nu su zini te Hiruselim mid-uyun is menge Hudiyu wey is kenà menge Hudiyu su si Hadì Hirudis wey si Gubirnedur Pilatu, nesevaha zan he ebpekigkuntada ki Jesus he pinilì nu he sulug̵uen he ibpahadì nu.