Marcos 14:15 - Manobo Western Bukidnon

¹⁵ Ne zutun ibpeehè din keniyu is meluag he rug̵u ziyà te zivavew zutun he zaan en nehimani. Ne zutun niw teg̵enaha is idlavung tew.”

Marcos 14:15 Кръстосани препратки

Marcos 14:14

Tundug kew kandin pehendiyà te valey he edselezan din, ne keg̵iyi niw is teg̵ig̵aked dutun te valey te, ‘Ibpeinsà te zatù tew kenikew ke hendei he rug̵u sikandin egkaan duma te menge sumusundan din kayi te Pista te Kedlevayi.’

Marcos 14:16

Ne haazà is menge sumusundan din, migenat dan pehendutun te inged ne langun duen te migkag̵i ni Jesus ne iyan en iyan neehè dan ne zutun dan teg̵enaha is idlavung te Pista te Kedlevayi.

Juan 21:17

Ne mid-uman megkag̵i si Jesus te iketelu te, “Simon, anak ni Juan, mahal e ve utew ziyan te g̵ehinawa nu?” Ne mibmesakit is gehinawa ni Pedro zutun te iketelu he ked-ul-uliti ni Jesus te, “Mahal e ve utew ziyan te g̵ehinawa nu?” Ne midtavak si Pedro te, “Netuenan nu is langun; netuenan nu he mahal ka zini te g̵ehinawa ku.” Ne migkeg̵iyan sikandin ni Jesus te, “Semaki nu is menge kerehidu ku.

Nengeulaula 1:13

Ne hein nekeuma zan diyà te Hiruselim, mid-ulì dan diyà te rug̵u he zivavew ziyà te valey he dus endanas he ubpeey zan. Iyan heini ensi Pedro, si Juan, si Santiago, si Andres, si Felipe, si Tomas, si Bartolome, si Mateo, si Santiago he anak ni Alfeo, si Simon Siluti, wey si Hudas he anak ni Santiago.

Nengeulaula 20:8

Mezakel is sulù dutun te rug̵u he ziyà te zivavew he iyan netig̵uman dey.

2 Timoteo 2:19

Ne minsan pa zutun kenà egkehalin kes tuluuwen he midtukud te Megbevayà su zuen insurat he Lalag te Megbevayà he edhenduen te, “Egketuenan te Nengazen ke hentei is menge etew he g̵aked din,” wey zuen pa zaan lalag he edhenduen te, “Is minsan hentei he egkag̵i he g̵aked sikandin te Nengazen, ne kinahanglan he ed-iniyug̵an din is mezaat he ulaula.”

Hibriyuhanen 4:13

Is Megbevayà, kenà sikandin egkeelesan te minsan hengkey. Egkeehè din layun is minsan hengkey he ed-ul-ulahan ta. Ne ke minsan hengkey is ed-ul-ulahan ta, iyan sikandin edsusi.