Marcos 14:14 - Manobo Western Bukidnon

¹⁴ Tundug kew kandin pehendiyà te valey he edselezan din, ne keg̵iyi niw is teg̵ig̵aked dutun te valey te, ‘Ibpeinsà te zatù tew kenikew ke hendei he rug̵u sikandin egkaan duma te menge sumusundan din kayi te Pista te Kedlevayi.’

Marcos 14:14 Кръстосани препратки

Marcos 10:17

Ne zutun te edlaus en edhipanew ensi Jesus, nekesaut kandan is sevaha he maama ne midluhud haazà diyà te etuvangan ni Jesus. Ne ke sikandin te, “He Menunudlù, utew meupiya is menge ulaula nu. Hengkey is ed-ul-ulahan ku wey a meveg̵ayi te untung he wazà pidtemanan?”

Marcos 11:3

Ne ke zuen ed-insà keniyu ke maan is egkuwaan niw haazà is asnu, keg̵iyi niw te, ‘Egkinehenglanen heini te egalen tew he si Jesus ne id-ulì dà kan.’ ”

Marcos 14:13

Ne midsug̵ù ni Jesus is dezuwa zutun te menge sumusundan din ne migkeg̵iyan din te, “Hendiyan kew te inged ne egkeuma niw is maama he ed-uwit te umuy he nepenù te wahig.

Marcos 14:15

Ne zutun ibpeehè din keniyu is meluag he rug̵u ziyà te zivavew zutun he zaan en nehimani. Ne zutun niw teg̵enaha is idlavung tew.”

Lucas 22:11

Ne keg̵iyi niw,” ke si Jesus, “is teg̵ig̵aked dutun te valey, ke sikiyu te, ‘Ibpeinsà te zatù tew kenikew ke hendei he rug̵u sikandin egkaan duma te menge sumusundan din kayi te Pista te Kedlevayi.’ ”

Juan 11:28

Ne te nekag̵i ni Marta haazà, mibeyaan din sikan is suled din he si Maria ne midnèneesan din te, “Nekeuma en si Jesus ne ibpehendiyè ke zin.”

Juan 13:13

Iyan niw id-umew kedì is Menunudlù wey Egalen, ne hustu en heeyan su iyan a iyan egalen niw.

Impezayag 3:20

Pemineg kew su zini ad te g̵emawan niw is ebpenelehuzan. Ke zuen etew he ebpekezineg kediey ne ebpuwasan e zin, edseled a ne egkaan a zuma kandin, ne egkaan daan sikandin duma kediey.