Marcos 14:1 - Manobo Western Bukidnon

¹ Mekezuwa pa zutun, egketuman is Pista te Kedlevayi wey Pista te Kegkeena te Supas he Wazè Din Tapey. Is menge punuan he memumuhat wey is menge menunudlù te kesug̵uan, ebpengahaan dan is paag̵i wey zan mezakep si Jesus he kenà egketuenan te mezakel he menge etew wey mehimetayi.

Marcos 14:1 Кръстосани препратки

Mateo 12:14

Ne mid-awà dutun is menge Perisiyu ne mibpelelelag̵è dan ke hengkey is paag̵i he mehimu zan he mepatey si Jesus.

Mateo 6:2

Ne emun duen ibeg̵ey niw ziyà te egkeayuayu kinahanglan he kenà iyan id-ul-ulaha niw zutun su wey mezalig kew te menge etew. Su iyan haazà baal te menge etew he tarù is kedtuu zan. Ed-ul-ulahan dan haazà diyà te menge simbahan wey ziyà te kersada su wey mezalig sikandan te menge etew. Kenè niw lipati he tenged te nezawat dan en is kedelig̵a kandan te menge etew, wazè en egkezawat dan he ebpuun diyà te Megbevayà.

Marcos 14:12

Ne zutun neume en is nehuna he andew te Pista te Kegkeena te Supas he Wazè Din Tapey. Iyan haazà andew te kedlepaa te menge Hudiyu te ibpemuhat he nati he kerehidu he egkeenen dan dutun te Pista te Kedlevayi. Ne zutun mid-insaan si Jesus te menge sumusundan din te, “Hendei is egkesuatan nu he valey he edhilutuan dey wey zey meteg̵ana is idlavung nu te Pista te Kedlevayi?”

Marcos 14:2

Ne ke sikandan te, “Kenè tew edekepen sikandin te timpu te pista su kela ke edsinamuk is menge etew.”

Juan 11:47

Ne zutun midtig̵um te menge punuan he memumuhat wey menge Perisiyu is menge ebmeg̵urangen te menge Hudiyu. Ne hein netig̵um dan en, migkag̵i zan te, “Ebmenumenu kiw su heini si Jesus, mezakel is menge egkein-inuwan he ebeelan din.

Juan 13:1

Sengeandew pa zutun ne egketuman en is Pista te Kedlevayi. Netuenan ni Jesus he uvey en is ked-awè din dini te kelibutan su ed-ulì en diyà te Amey zin he Megbevayà. Utew mahal ziyà te g̵ehinawa zin is menge sumusundan din dini te kelibutan, ne zutun ibpeehè din ke hengkey kemahal sikandan diyà te g̵ehinawa zin.

Nengeulaula 12:4

Ne zutun te kegkezakep ki Pedro, impepirisu sikandin ni Hirudis ne impalad din diyà te heepat he gurupu he menge sundaru he iyan eguwardya kandin. Ne tig-epat he sundaru is kada gurupu. Neisip ni Hirudis he emun egkeipus haazà is pista he egngezanan te Pista te Kedlevayi, ed-imbistigahan din si Pedro ziyà te etuvangan te menge Hudiyu.