Marcos 13:8 - Manobo Western Bukidnon

⁸ Su ebpekidtebek is sengeinged te zuma zin he inged ne egira is sengeg̵inhedian te zuma zin he g̵inhedian. Egkehitavù is linug diyà te mezakel he menge inged ne zuen menge inged he ebitilen. Iyan, heini he egkehitavù, ne iring te ed-anak he sikan pa ebpuunà is belilit din.

Marcos 13:8 Кръстосани препратки

Mateo 24:8

Iyan, heini he egkehitavù, ne iring te ed-anak he sikan pa ebpuunà is belilit din.

Marcos 13:7

Ne emun egkezineg niw ziyà te uvey niw is meg̵urub tenged te gira ne egkezineg niw zaan is tudtul te menge gira ziyà te meziyù he tanà, kenè kew mahandek su kinahanglan he egkeulaula is iring kayi te kenè pa edtepusen heini is timpu.

Marcos 13:9

Ne sikiyu, kinahanglan he purungi niw endama is gehinawa niw, su edekepen kew te menge etew ne ed-uwiten kew zan diyà te hukmanan ne ebug̵elen kew ziyà te menge simbahan dan. Ebpekeetuvang kew te menge gubirnedur wey menge hadì tenged te kedtuu niw kediey wey niw ikewali is Meupiya he Tudtulanen diyà te kandan.

Nengeulaula 11:28

Is sevaha zutun he migngezanan ki Egebu, ne mid-ulinan te Megbevayà, ne midhitindeg sikandin ne midtagnè din is utew zekelà he vitil he ebpekeeneb te tivuuk he kelibutan. (Ne nehitavù heini hein iyan pa hadì diyà te Ruma si Claudio.)

1 Tiselunika 5:3

Ne egkehitavù te timpu he kunaan te menge etew ke melinew is langun wey nelig-enan sikandan. Ne segugunà dutun egkeg̵erà sikandan. Utew meg̵aan; iring te kedlepew te velilit diyà te ed-anak. Ne wazà edresik dutun he minsan sevaha.

Impezayag 6:4

Ne zutun midlepew is sevaha pa he kudà he utew merig̵à. Is ed-untud dutun, intug̵ut kandin he mehimu zin he mekedtetebek is tivuuk he menusiyà su wey mekebpepetayà is menge etew. Ne zuen imbeg̵ey kandin he melayat he sundang.