Marcos 13:5 - Manobo Western Bukidnon

⁵ Ne migkag̵i si Jesus diyà te kandan te, “Mebpekevantey kew wey kenè kew mekesundan te teruen he etew

Marcos 13:5 Кръстосани препратки

Marcos 13:4

ke sikandan te, “Keg̵iyi key ke keenu egkehitavù heini is langun wey ke hengkey is egkeulaula he tuus he iyan en timpu he egketuman sikan is langun he migkag̵i nu g̵eina.”

Marcos 13:6

su mezakel is ebpemenlepew he egamit te ngazan ku he egkag̵i is kada sevaha zutun he iyan sikandin sikan is mibpilì te Megbevayà he ibpahadì. Ne mezakel is ebpeketuu te menge tarù dan.

Lucas 21:8

Ne midtavak si Jesus te, “Mebpekevantey kew wey kew kenà mekesundan te teruen he etew su mezakel is ebpemenlepew he egamit te ngazan ku he egkag̵i is kada sevaha zutun he iyan sikandin sikan is mibpilì te Megbevayà he ibpahadì. Ne egkag̵i zaan te, ‘Iyan en heini timpu te kedlimasa te Megbevayà te menusiyà,’ ke sikandan. Iyan, kenè niw tuuwi su tarù.

1 Kurintu 15:33

Iyan, kenè niw itug̵ut he meketuu kew te iring kayi su tarù. Tutuu iyan is erubasa he egkag̵i te, “Emun ebpekiduma ka te etew he mezaat is ulaula zin ne egkeiringan nu is ulaula zin wey ked-isip din.”

Ipisu 5:6

Su tenged kayi he menge ulaula, utew egkepeuki te Megbevayà keuzemà is menge etew he kenà ebpemineg te menge sug̵ù din. Ne tenged dutun, kenè niw itug̵ut he meketuu kew te tarù he penurù te minsan hentei he etew pinaag̵i te menge ketezengan dan he kenà tutuu.

Kulusas 2:8

Andam kew su kela ke zuen egkabig keniyu pinaag̵i te kebpenurù te tuluuwen he tarù ne wazè din pulus su imbilinbilin dà te menge etew. Kenà haazà hustu he tuluuwen su kenà ebpuun diyà te ki Kristu.

2 Tiselunika 2:3

Kinahanglan he kenè niw tuuwi is minsan hengkey he lalag te minsan hentei he teruen he etew. Su haazà is andew, ne kenè pa egketuman emun wazè pa mehitavù is kedsukul te menge etew ziyà te Megbevayà. Ne zutun ibpeg̵awag̵awa sikan is etew he lavew he mesinupaken. Iyan imbanglis kandin is kegkeimpirnu.

1 Juan 4:1

Menge minahal ku he suled, kenè niw petuluy tuuwi is etew he egkag̵i he mid-ulinan sikandin te Wag̵as he Mulin-ulin. Gezami niw zè pa wey niw metueni ke ebpuun be te Megbevayà is ed-ulin kandin. Umba egkeg̵iyen ku heini su mezakel en is menge ebpenurù te tarù he midlepew zini te kelibutan he mid-ulinan sikandan te teruen he mulin-ulin.