Marcos 13:23 - Manobo Western Bukidnon

²³ Umba mebpekevantey kew su midtudtul ku en keniyu heini is langun he egkehitavù te wazè pa meulaula.

Marcos 13:23 Кръстосани препратки

Mateo 24:25

Kenè niw heini lipati su mibpetizeenan ku sikiyu he zaan.

Mateo 7:15

Likayi niw is menge ebpeneuven kun te Megbevayà he tarù is ibpenurù dan. Henduen be te hustu sikandan he tumutuu te Megbevayà, iyan, ebpekezezaat is ibpenurù dan.

Marcos 13:22

Su ebpenlepew is teruen he etew he egkeg̵iyen dan he iyan sikandan sikan is hadì he mibpilì te Megbevayà wey ke egkeg̵iyen dan be he ebpeneuven sikandan te Megbevayà. Ne ebpemeehè dan te egkengein-inuwan wey menge singyal su ibpetuu zan pezem te menge tarù dan, ke egkehimu, is menge pinilì te Megbevayà.

Marcos 13:24

Ne emun egkeiwas haazà is timpu te kemeresayan, kenè en edsilà is andew ne kenè en daan ed-anlag is bulan.

Marcos 13:33

Ne tenged kayi, mebpekevantey kew ne tag̵amtag̵am kew su kenè niw heini egketuenan ke keenu.

Marcos 13:5

Ne migkag̵i si Jesus diyà te kandan te, “Mebpekevantey kew wey kenè kew mekesundan te teruen he etew

Marcos 13:9

Ne sikiyu, kinahanglan he purungi niw endama is gehinawa niw, su edekepen kew te menge etew ne ed-uwiten kew zan diyà te hukmanan ne ebug̵elen kew ziyà te menge simbahan dan. Ebpekeetuvang kew te menge gubirnedur wey menge hadì tenged te kedtuu niw kediey wey niw ikewali is Meupiya he Tudtulanen diyà te kandan.

Lucas 21:34

Ne ke si Jesus te, “Uram kew wey kew kenà kayi zà egketaman te kegkebibu wey kebpemenginum wey te kedlag̵ud niw te menge kelibutanen he menge kinahanglan niw. Su emun kenè kew ed-uram ne egketik-awan kew egkesaut te andew te kedlimasa te Megbevayà te menusiyà. Ne egkeiring kew te egketelebpì he rumat.

Lucas 21:8

Ne midtavak si Jesus te, “Mebpekevantey kew wey kew kenà mekesundan te teruen he etew su mezakel is ebpemenlepew he egamit te ngazan ku he egkag̵i is kada sevaha zutun he iyan sikandin sikan is mibpilì te Megbevayà he ibpahadì. Ne egkag̵i zaan te, ‘Iyan en heini timpu te kedlimasa te Megbevayà te menusiyà,’ ke sikandan. Iyan, kenè niw tuuwi su tarù.

Juan 14:29

Ne te wazè pa meuma is ked-ewai ku keniyu, migkag̵i ku en keniyu heini he zaan su emun egkeulaula en, ebpeketuu kew he iyan a sikan is hadì he mibpilì te Megbevayà.

2 Pedro 3:17

Minahal ku he menge suled, geina te netuenan niw en heini he zaan, andam kew su wey kenè kew meketuu te menge tarù he ibpenurù te menge lalung he etew ne egkelipatan niw is tutuu he tuluuwen he midtuuwan niw.