Marcos 13:15 - Manobo Western Bukidnon

¹⁵ Ne sikan is etew he egkeserengà diyà te g̵awas te valey zin, kenè en med-usik-usik pa te timpu te kedseled diyà te valey he egkuwa te minsan hengkey te azen din.

Marcos 13:15 Кръстосани препратки

Marcos 13:16

Sikan is etew he ziyà egkeserengà te pemuleey zin, kenè en med-ulì pa ziyà te valey zin te kegkuwa te malung din.

Nengeulaula 27:38

Ne hein nengehantey key en pudu, intimbag dan diyà te zag̵at is karga zutun te barku he veg̵as te trigu su wey mebmahagkap haazà is barku.

Hibriyuhanen 11:7

Ne zuen daan kedtuu ni Noe su hein midleg̵uyan sikandin te Megbevayà te limas he egkehitavù, midtuuwan din, minsan te wazè din pa maahà haazà is limas. Ne mibeelan din is dekelà he avang he egngezanan te arka ne hein midlapey is dag̵at, nelibri sikandin wey is pemilya zin ne wazè dan melened. Ne pinaag̵i zutun te kedtuu zin, impesavut din he zait he edlimasen te Megbevayà is tivuuk he mekesesalà he menusiyà. Ne zutun mid-isip sikandin te Megbevayà he metazeng tenged te midtuuwan din is migkag̵i te Megbevayà.