Marcos 12:44 - Manobo Western Bukidnon

⁴⁴ Su is menge zuma he nemenhalad kayi, subra zà te ketig̵eyunan dan is inhalad dan. Iyan, heeyan is egkeayuayu he vahi, minsan pa te edlisedlised sikandin te igkeuyag din, inhalad din is namànamè en he ketig̵eyunan din.”

Marcos 12:44 Кръстосани препратки

Marcos 12:43

Ne zutun mid-umew ni Jesus is menge sumusundan din he med-uvey zan diyà te kandin ne ke sikandin te, “Benar is egkeg̵iyen ku he haazà is balu he vahi, sumalà is ked-isipa te Megbevayà, utew lavew is inhalad din te langun he inhalad kayi te zuma he menge etew.

Marcos 14:8

Sumalà is egkehimu kayi te vahi ne midhimu zin en dini te kedì. Mid-egwahan e zin he zaan wey meteg̵ana is lawa ku te kedlevenga kedì.

Lucas 15:12

Ne migkag̵i is hazi ziyà te amey zin te, ‘Amà, iveg̵ey nu en kedì is kediey he vahin kayi te menge azen tew.’ Ne iyan dà haazà ne mibahin dutun te amey is menge azen din dutun te zezuwa he vuuk he anak din.

Lucas 15:30

Iyan, heini is anak nu he nekelaga te menge azen nu tenged te kebpengumpadi zin te menge vahi, ne iyan nu mulà midlepaan te impelambù nu he nati!’

Lucas 8:43

Ne zuen dutun bahi he utew en nerasey su midsepulù en wey zezuwa he tuig is kedlengesahi kandin ne kenà ed-engked. Ne wazà minsan hentei he nekeulì kandin.

1 Juan 3:17

Ke zuen minsan hentei kenitew he egkehimu he edtevangan din is duma zin he edlised, iyan, kenè din edtevangan, kenà egkehimu he mahal ziyà te g̵ehinawa zin is Megbevayà.