Marcos 12:34 - Manobo Western Bukidnon

³⁴ Ne nesavut ni Jesus he utew hustu haazà is migkag̵i zutun te menunudlù ne migkag̵i si Jesus te, “Benar heeyan; meseyun ka ebpekepahadì te Megbevayà.” Ne zutun wazè en maan nekeaku pa he egezam ki Jesus pinaag̵i te minsan hengkey he insè.

Marcos 12:34 Кръстосани препратки

Mateo 12:15

Ne hein netuenan ni Jesus is ed-isipen dutun te menge Perisiyu, mid-awà sikandin dutun, ne zuen mezakel he menge etew he nemenduma kandin. Ne neulian din is langun dutun he nengezeruwan,

Mateo 12:20

Kenè din edlekaan is meluya is kedtuu zin kandin. Su edtevangan din is minsan hentei, minsan sikan is deisek is kedsarig din kandin. Kenà ed-engked ebpenudtul taman te ebpekeeneb diyà te minsan hendei is metazeng he ulaula.

Mateo 22:46

Ne wazà neketavak ki Jesus dutun te minsan hengkey he menge insè din, ne puunè dà dutun wazè en maan nekeaku he ebpenginginsè pa maan kandin.

Lucas 20:40

Umba nekag̵i zan heini su kenè dan en ebpekesukul pa maan he ed-insà ki Jesus.

Ruma 7:9

Hein aney, wazè ku metueni ke hengkey is kesug̵uan, ne zutun, henduen be te wazè ku salà. Ne hein impenurù kedì is kesug̵uan, netuenan ku he mezaat bes is menge ulaula ku. Ne tenged kayi nesavut ku he ziyè e ves ebpekezunggù te kemetayen he wazè din pidtemanan!

Gelasya 2:19

Siak, nesavut ku en he kenà a egkeveg̵ayan te untung he wazè din pidtemanan pinaag̵i te kedtumana ku te kesug̵uan, ne tenged dutun mid-engkezan ku is kedsarig ku te kedtumana ku te kesug̵uan su wey ku iyan metuman is menge sug̵ù te Megbevayà.

Kulusas 4:6

Kinahanglan he layun ibmeupiya te g̵ehinawa te menge etew is menge lalag niw kandan ne kinahanglan daan he iyan niw keg̵iya kandan is menge lalag he zuen din pulus ne emun ed-ul-ulahan niw heini, ne egketuenan niw ke hengkey is hustu he ketezengan he idtavak diyà te kada sevaha he etew.