Marcos 12:24 - Manobo Western Bukidnon

²⁴ Ne zutun, midtavak ni Jesus sikandan te, “Umba ves nengesayep kew su wazè niw mesavut sikan is ingkesurat he Lalag te Megbevayà, ne wazè niw zaan mesavut he mekeg̵eg̵ehem sikandin te kebpemanhew te menge minatey.

Marcos 12:24 Кръстосани препратки

Mateo 22:29

Ne midtavak kandan si Jesus te, “Nengesayep kew utew! Iyan is wazè niw mesavut sikan is ingkengesurat he menge Lalag te Megbevayà ne wazè niw zaan mesavut he mekeg̵eg̵ehem is Megbevayà te kebpemanhew te menge minatey.

Marcos 10:27

Ne zutun midtengtengan sikandan ni Jesus te egkag̵i te, “Kenà iyan egkehimu te etew, iyan, egkehimu mulà te Megbevayà he ibpaangken din is etew te untung he wazà pidtemanan su egkehimu zin is langun.”

Marcos 12:23

Ne keuzemà te kegkevanhew te menge etew, hentei is hustu he esawa zutun te vahi? Su haazà is pitu he teltelehazi, pudu zan man nemekeesawa zutun te vahi.”

Marcos 12:25

Su zutun te kegkevanhew te etew he nemematey, wazè en ebpengesawa he maama ne wazè en daan bahi he ebpeesawa su egkengeiring en pudu is menge etew te velinsug̵uen te Megbevayà diyà te langit ne kenè dan ebpees-eseweey.

Lucas 1:37

Umba egkeulaula heini su egkehimu te Megbevayà is minsan hengkey.”

Juan 5:39

Ed-istudiyuwan niw is ingkesurat he lalag din su kunaan niw ke tenged dutun ebpekeangken kew te untung he wazà pidtemanan. Edtistig̵usan a te insurat he Lalag te Megbevayà,

Nengeulaula 17:11

Ne zeyzey is menge Hudiyu zutun te Biriya kenà te menge Hudiyu ziyà te Tiselunika su memetulanged dan mulà. Ne utew zan egkesuat he ebpemineg te impesavut kandan. Ne kada andew edsusiyen dan is insurat he Lalag te Megbevayà su ed-ahaan dan ke tutuu ve iyan haazà is ibpenurù eni Pablo.

Ruma 15:4

Su is minsan hengkey he insurat dengan he Lalag te Megbevayà, ne umba impesurat din su wey kiw mepenurù. Su pinaag̵i te Lalag te Megbevayà ibpenurù kenitew is kebmeinentusen te kemereg̵enan wey edsembag̵an kiw su wey kenà maawà is kebpeebuta tew te meupiya he egkeulaula keuzemà.

Ipisu 1:19

Ne id-ampù ku zaan he ipesavut din keniyu ke hengkey is kenà egkesukud he utew lavew he zekelà he g̵ehem te Megbevayà he zini edterebahu te kenitew te menge tumutuu kandin. Ne iyan heini sikan is utew zekelà he g̵ehem

Pilipus 3:21

Ne zutun te andew, ne edhelinen din en is memeg̵uyà he menge lawa tew ne edhimuwen din he iring te mekeg̵eg̵ehem he lawa zin. Ne kayi te kedhelina zin kenitew, egemiten din is dekelà he g̵ehem din he iyan ingkehimu zin he ebayàbayà te minsan hengkey.