Marcos 12:17 - Manobo Western Bukidnon

¹⁷ Ne ke si Jesus te, “Ne emun kandin ne iyan egkesuatan din, iveg̵ey niw ziyà te kandin, ne iveg̵ey niw zaan diyà te Megbevayà is kandin he azen.” Ne utew zan ingkeinuinu haazà is migkag̵i ni Jesus.

Marcos 12:17 Кръстосани препратки

Mateo 22:21

Ne ke sikandan te, “Dagwey wey ngazan te hadì diyà te Ruma.” Ne migkag̵i si Jesus te, “Ne emun kandin, ne iyan egkesuatan din, iveg̵ey niw ziya te kandin, ne iveg̵ey niw zaan diyà te Megbevayà is kandin he azen,” ke sikandin.

Mateo 22:22

Ne hein nezineg dan haazà is lalag ni Jesus, utew zan nengeinuinu ne mid-ewaan dan si Jesus ne migawas dan dutun.

Mateo 22:33

Ne hein nezineg heini te menge mezakel he etew, nengeinuinu zan utew zutun te kebpenurù din.

Mateo 22:46

Ne wazà neketavak ki Jesus dutun te minsan hengkey he menge insè din, ne puunè dà dutun wazè en maan nekeaku he ebpenginginsè pa maan kandin.

Mateo 8:10

Ne te nezineg ni Jesus heini, ne utew neinuinu ne ke sikandin diyà te menge etew he nemenduma kandin te, “Wazè ku pa meuma is etew he kevuwazan ni Israyil he iring kayi he utew mezesen is kedtuu zin.

Marcos 12:16

Ne impeehè dan dutun ki Jesus is sengeelad he selapì. Ne ke si Jesus te, “Hentei ki zagwey wey ngazan heini is nekesurat kayi?” Ne midtavak dan te, “Ngazan wey zagwey te hadì diyà te Ruma.”

Marcos 12:30

Kinahanglan he iyan nu sikandin mahala ziyà te g̵ehinawa nu is Megbevayà he Nengazen tew. Iyan nu sikandin mahala ziyà te g̵ehinawa nu, isip nu, kedsavut nu wey tivuuk he ulaula nu.’

Lucas 20:25

Ne ke si Jesus te, “Ne emun kandin, ne iyan egkesuatan din, iveg̵ey niw ziyà te kandin; ne iveg̵ey niw zaan diyà te Megbevayà is kandin he azen.”

Ruma 12:1

Na, menge suled, tenged te utew zekelà he hizu kenitew te Megbevayà, edhengyuan ku sikiyu he ipeveyveyai niw kandin is lawa niw wey g̵ehinawa niw. Iyan heini ibpemuhat he kenà edhimetayan, ne kinahanglan he wazà igkesawey zuen su wey mesuati te Megbevayà. Ne iyan heini hustu he ked-ezapa niw kandin.

Ruma 13:7

Ne tenged kayi kinahanglan he ebeyazan ta is buhis wey is duma pa he ebpeveyazan kenita te gubirnu. Ne edtehuzen ta zaan is menge etew te gubirnu, ne ibpeehè ta is dekelà he kedtehuza ta te pid-etawan dan.

Ruma 6:13

Kenè ta egemiten is minsan hengkey he vahin te lawa ta te ked-ulaula te mezaat, kekenà, idtug̵ut ta he iyan ebayàbayà kenita is Megbevayà su zait heini kenita te nelibri en te kemetayen ne mibeg̵ayan te veg̵u en he untung. Ne idtug̵ut ta he iyan egamit te lawa ta is Megbevayà wey ta meulaula is metazeng.

1 Pedro 2:17

Edtehuzen tew is langun he menge etew; ebmahalen tew is langun he menge suled tew te kedtuu. Igkehandek ta is ked-ulaula te kenà egkesuatan te Megbevayà; edtehuzen ta is keg̵ehem te lavew he hadì.