Marcos 12:13 - Manobo Western Bukidnon

¹³ Ne midsug̵ù dan is duma zutun te menge Perisiyu wey te menge sakup te upakat he midtukud ni Hirudis su wey zan mepulutikahi si Jesus he meveeli zan te sumbung.

Marcos 12:13 Кръстосани препратки

Mateo 16:6

Hein nekerapas dan en, duen sempità he impezineg kandan ni Jesus. Ke sikandin te, “Andam kew wey niw melikayi is tapey te menge Perisiyu wey Sedusiyu.”

Marcos 12:14

Ne hein nekeuma haazà is menge sug̵ù, migkag̵i zan diyà te ki Jesus te, “Menunudlù, netuenan dey he metazeng ka he etew. Is lalag te menge etew, kenà ebpekehalin te ibpenurù nu tenged te wazè nu ibpelavi he minsan hentei, kekenà, tutuu is ibpenurù nu he ibpeveelan kenitew te Megbevayà. Umba, keg̵iyi key kenikew, ebpekesupak ki ve te kesug̵uan tew ke ebayad ki te vuhis diyà te hadì tew he ziyà te inged he Ruma?”

Marcos 3:6

Ne is menge Perisiyu, nemen-awè dan dutun te simbahan. Ne sikandan wey is menge sakup te upakat he midtukud ni Hadì Hirudis, mibpelelelag̵è dan ke hengkey is paag̵i he mehimu zan he mepatey si Jesus.

Marcos 8:15

Ne zutun duen sempità he impezineg kandan ni Jesus. Ibpesavut din he likayi zan is menge mezaat he vetasan te menge etew. Ke sikandin te, “Andam kew wey niw melikayi is tapey te menge Peresiyu wey is tapey te menge sakup ni Hadì Hirudis.”

Lucas 11:54

su ebpengahaan dan is paag̵i wey mehimu si Jesus he igkesumbung dan.