Marcos 12:1 - Manobo Western Bukidnon

¹ Ne impenurù en maan ni Jesus is menge sempità. Ke sikandin te, “Duen etew he zuen din tanà he mibpemulaan din te g̵awed he paras. Mid-alad din haazà, ne mibudsiyan din te meluag is dekelà he vatu su ebeelan din he keresà te wahig dutun te veg̵as te paras. Ne midlelawig te ed-ubpaan te ebantey zutun te perasan. Ne mibpeelimahan din haazà is perasan ne zutun midhendiyà te sengeg̵inhedian.

Marcos 12:1 Кръстосани препратки

Mateo 13:3

Ne zutun mezakel is impenurù din kandan pinaag̵i te menge sempità. Ke sikandin te, “Duen etew he midhendiyà te pemuleey zin su ebpemula.

Mateo 21:28

Ne mid-uman megkag̵i si Jesus diyà te kandan te, “Hengkey is isip niw kayi? Duen etew he zezuwa is anak din he maama. Mibeyaan din is kakey ne migkeg̵iyan din te, ‘Diyè ka g̵untaan, Mama, terebahu te perasan.’

Mateo 21:33

Ne migkag̵i si Jesus te, “Pemineg̵a niw is selakew pa he sempità he egkeg̵iyen ku keniyu mehitenged te ed-ul-ulahan te Megbevayà. Duen etew he zuen din pemuleey he mibpemulaan din te menge g̵awed he paras. Mid-alad din haazà, ne mibudsiyan din te meluag is dekelà he vatu su ebeelan din he keresà te wahig dutun te veg̵as te paras. Ne midlelawig sikandin te ebpeubpaan din te ebantey zutun te perasan. Ne mibpeelimahan din haazà is perasan ne zutun midhendiyà te sengeg̵inhedian.

Mateo 21:34

Ne hein tirag̵un en dutun, midsug̵ù din is menge sulug̵uen din he ibpekuwa te vahin din dutun te perasan din.

Mateo 25:14

Is kedhadì te Megbevayà ne iring daan te etew he edhipanew. Te wazè pa sikandin megenat, midtig̵um din is menge sulug̵uen din su idsarig din kandan is selapì din wey zan ikepetig̵ayun.

Marcos 11:33

Umba, iyan tavak dan dutun ki Jesus is: “Hanew ta.” Ne ke si Jesus diyà te kandan te, “Kenè ku zaan egkeg̵iyen keniyu ke hengkey is ketenged ku te kebaal kayi te langun.”

Marcos 13:34

Su iring a te sevaha he etew he midhipanew he wazè din teleena ke keenu ed-ulì. Is menge sulug̵uen din ne impevantey zin te menge azen din. Ne mibpemeg̵ayan din is kada sevaha kandan te ketengdanan he ed-ul-ulahan dan dutun te kedhipanew zin. Ne migkeg̵iyan din is etew he impevantey zin te g̵emawan he kenà sikandin medlipezeng.

Marcos 3:23

Ne zutun, migkeg̵iyan ni Jesus haazà is menge etew he med-uvey zan diyà te kandin ne zuen menge sempità he impenurù din kandan. Ke sikandin te, “Kenà egkehimu he ebug̵awen ni Setanas is duma zin he mezaat he mulin-ulin.

Marcos 4:2

Ne mezakel is impenurù ni Jesus kandan pinaag̵i te menge sempità.

Lucas 15:13

Ne wazà utew meug̵et dutun ne imbelegyè en dutun te hazi is kandin he vahin ne midhipanew is ed-uwit te selapì din. Diyà sikandin medtandang te meziyù he inged ne zutun migastu zin is selapì din te wazà pulus.

Lucas 19:12

Ne tenged dutun migkag̵i zin heini is sempità. Ke sikandin te, “Duen sevaha he prinsipi he midtawag te lavew he hadì diyà te sengeg̵inhedian su edhimuwen sikandin he hadì dutun te kandin he inged. Ne emun egketapus haazà ne human ebpekeulì.

Lucas 22:9

Ne mid-insà sikandan ki Jesus te, “Hendei he valey is edhilutuan dey te idlavung te Pista te Kedlevayi?”

Lucas 8:10

Ne midtavak si Jesus te, “Sikan is in-eles dengan mehitenged te kedhadì te Megbevayà, ibpesavut ku en keniyu te menge sumusundan ku, iyan, is menge zuma he menge etew he kenè dan edsundan kedì, ibpenurù ku kandan pinaag̵i te menge sempità su wey minsan edtengteng dan, kenè dan ebpekeahà ne minsan ebpemineg dan ne kenè dan ebpekesavut.”

Nengeulaula 7:38

Ne hein nengetig̵um is menge kepuun tew ziyà te tanà he wazà dutun ed-ubpà he etew, pinaag̵i ki Moises nekepekidlalag dan te velinsug̵uen te Megbevayà diyà te vuntud he egngezanan te Siney. Ne nezawat ni Moises dutun kes kenà egkehanew he menge Lalag te Megbevayà wey zin daan ikeveg̵ey kenitew.