Marcos 11:3 - Manobo Western Bukidnon

³ Ne ke zuen ed-insà keniyu ke maan is egkuwaan niw haazà is asnu, keg̵iyi niw te, ‘Egkinehenglanen heini te egalen tew he si Jesus ne id-ulì dà kan.’ ”

Marcos 11:3 Кръстосани препратки

Marcos 11:2

Ke sikandin te, “Hendutun kew te inged he egkeumahan tew ne emun ebpekeuma kew zutun, ne egkeehè niw is intagkes he asnu he nati he wazè pa meuntuzi; hekazi niw ne uwita niw zini.

Marcos 11:4

Ne zutun migenat haazà is dezuwa, ne neehè dan haazà is nati he asnu ziyà te kilid te zalan su intagkes diyà te uvey te g̵emawan te sevaha he valey.

Marcos 14:15

Ne zutun ibpeehè din keniyu is meluag he rug̵u ziyà te zivavew zutun he zaan en nehimani. Ne zutun niw teg̵enaha is idlavung tew.”

Nengeulaula 1:24

Ne zutun in-ampù sikandan eni Pedro ke sikandan te, “Nengazen, iyan ka nesayud ke hengkey is diyà te g̵ehinawa te minsan hentei. Ne g̵untaan ipeehè nu kenami ke hendei zapit kayi te zezuwa is nepilì nu

Nengeulaula 10:36

Netuenan niw en is Meupiya he Tudtulanen he impesavut te Megbevayà kenami te menge kevuwazan ni Israyil su pinaag̵i ki Jesu Kristu he iyan Nengazen te langun he menge etew, impesavut din he egkeawà is pauk te Megbevayà kenitew.

Nengeulaula 17:25

ne wazà minsan hengkey he egkeveelan te etew he egkinehenglanen din. Su iyan sikandin ebeg̵ey te g̵ehinawa wey untung wey is minsan hengkey ziyà te langun he menge etew.

2 Kurintu 8:9

Netuenan ta ke hengkey is kezekelà te g̵ag̵ew kenita te Nengazen tew he si Jesu Kristu. Su tenged te hizu zin kenita, minsan te utew sikandin sepian diyà te langit, midhimu zin he utew sikandin ayuayu pinaag̵i te kebpeetew zin wey kebpehimatey zin. Ne tenged kayi te kegkeayuayu zin egkehimu ki he utew sepian.