Marcos 11:24 - Manobo Western Bukidnon

²⁴ Umba, egkeg̵iyan ku sikiyu he minsan hengkey is ebuyuen niw ziyà te Megbevayà, heg̵eta niw ziyà te g̵ehinawa niw he kenè en ebperis, ne egkezawat niw haazà is ebuyuen niw.

Marcos 11:24 Кръстосани препратки

Mateo 18:19

Ne heini zaan is ibpesavut ku keniyu: ke zuen minsan hengkey he ebuyuen niw ziyà te Megbevayà he neuyunan te minsan dezuwa zà keniyu zini te tanà, ibeg̵ey heini keniyu te Amey ku he Megbevayà he ziyà te langit.

Mateo 21:22

Emun edsarig kew te Megbevayà, ke ed-ampù kew, egkezawat niw is ebuyuen niw.”

Marcos 11:25

Ne emun ed-ampù kew ziyà te Megbevayà, ke zuen egkepeukan niw he minsan hentei, peseyluwa niw, ne is Amey niw he Megbevayà he ziyà te langit, ebpeseyluwen kew zin daan te menge kebpekesupak niw kandin.

Juan 14:13

Ke zuen ebuyuen niw kediey tenged te kedtuu niw kediey, ebeelan ku su wey mevantug is Amey ku tenged kediey.

Juan 15:7

Ne sikiyu, emun kenè kew edsuwey kedì ne edhemenan niw is menge penurù ku, is minsan hengkey he ebuyuen niw kediey, ibeg̵ey ku keniyu.

1 Kurintu 14:13

Ne tenged kayi, is etew he ebpekekag̵i te kineg̵iyan he kenè din egketuenan, kinahanglan he iampù din he meveg̵ayi sikandin te ketau te kedluwas te egkeg̵iyen din.

1 Juan 3:22

Ibeg̵ey zin kenita is ebuyuen ta su edtumanen ta is menge sug̵ù din wey ed-ul-ulahan ta is egkesuatan din.