Marcos 11:20 - Manobo Western Bukidnon

²⁰ Ne hein nepawà, midlikù dan dutun te inged ne ziyà te ibayè dan neehè dan kes kayu he igira he nepurung en meg̵angu, minsan is dalid din.

Marcos 11:20 Кръстосани препратки

Mateo 13:6

Asal hein mid-andew, neg̵angu petuluy haazà is menge pinemula su mevavew zà is nesenevan te zalid dan.

Mateo 15:13

Ne midtavak si Jesus te, “Ebezuten is minsan hengkey he pinemula he wazà ipemula te Amey ku he Megbevayà.

Mateo 21:18

Ne te nepawà dutun te ziyà ensi Jesus te zalan su edlikù dan diyà te Hiruselim, egkevitil sikandin.

Marcos 11:12

Ne nepawà dutun te ziyè en ensi Jesus te zalan su edlikù dan diyà te Hiruselim he ebpuun te Bitanya, nevitil sikandin.

Marcos 11:14

Ne zutun migkag̵i si Jesus te, “Puun guntaan, kenè ke en egkekeenan te veg̵as nu.” Nezineg haazà is lalag din dutun te menge sumusundan din.

Juan 15:6

Su ke zuen etew he edsuwey kediey, ed-engkezan sikandin iring te subpang he idtimbag wey meg̵angu. Ne is menge subpang he nengeg̵angu, edtig̵umen ne idtimbag diyà te hapuy wey metutung.

Hibriyuhanen 6:8

Iyan, ke zuen tanà he iyan dà ebpeketuvù duen is menge zug̵iyen he sagbet wey menge hilemunen, ne wazè din pulus, ne ed-engkezan, ne ebinsulan te teg̵itanà. Ne iring din ded daan is etew he iring kayi te tanà su edsilutan te Megbevayà.

Hudas 1:12

Ebpekezezaat sikandan te zengeg niw ke edtampu zan te keemuran niw su kenè dan mulà egkeeled dutun te kedtumana zan te mezaat he kebayè dan ke ebpekidtug̵en dan keniyu. Iyan dà egkeisip dan is kandan dà he egkesuatan. Wazè dan menge pulus; iring sikandan te menge g̵apun he wazà duen uzan he mibpagwis te keramag. Iring sikandan te menge kayu he kenà ebpemeg̵as minsan pa te iyan en pezem timpu te kebpemeg̵as. Ne umba kenà ebpekepemeg̵as su nepiley en ne neg̵angu.