Marcos 11:18 - Manobo Western Bukidnon

¹⁸ Ne nezineg haazà te menge punuan he memumuhat wey menge menunudlù te kesug̵uan is mibeelan ni Jesus. Nengehandek dan ki Jesus su utew nengesuat is mezakel he menge etew te kebpenurù din. Ne tenged kayi ebpen-ahaan te menge punuan is paag̵i he metug̵uti sikandan he igkepehimetayan dan si Jesus.

Marcos 11:18 Кръстосани препратки

Mateo 21:15

Nengepauk is menge lavew he memumuhat wey menge menunudlù te kesug̵uan dutun hein neehè dan is egkengein-inuwan he mibeelan ni Jesus wey nezineg dan is menge vatà diyà te Valey te Megbevayà he ebpemenhabet egkag̵i te, “Tehuza is kevuwazan ni Hadì David!”

Mateo 7:28

Ne nekepasad si Jesus te ebpenurù dutun. Ne neinuinu is mezakel he nengetig̵um dutun

Marcos 1:22

Ne haazà is menge etew, hein nezineg dan is kebpenurù din, utew zan nengeinuinu su is kebpenurù din, ne kenà iring te kebpenurù te menge menunudlù te kesug̵uan te menge Hudiyu su zekelà mulà is gehem ni Jesus te kebpenurù.

Marcos 11:32

Ne emun egkag̵i kiw he etew zà, ne egkepeukan kiw te menge etew.” (Umba migkag̵i zan heini su nahandek dan te menge etew su midtuu is langun he menge etew he ebpeneuven si Juan Megbebewtismu te Megbevayà.)

Marcos 12:12

Ne zutun, haazà is menge punuan te menge Hudiyu, nesavut dan he iyan sikandan ebpesumbingayan ni Jesus dutun te sempità he migkag̵i zin, ne ed-isipen dan en pezem edekepa si Jesus, iyan, wazè dan mehimu haazà is ed-isipen dan su nahandek dan te mezakel he menge etew. Ne zutun nepesagdan dan si Jesus ne mid-ewaan dan.

Marcos 3:6

Ne is menge Perisiyu, nemen-awè dan dutun te simbahan. Ne sikandan wey is menge sakup te upakat he midtukud ni Hadì Hirudis, mibpelelelag̵è dan ke hengkey is paag̵i he mehimu zan he mepatey si Jesus.

Marcos 6:20

Ne si Hadì Hirudis, egkehandek sikandin ki Juan su netuenan din he metazeng he etew si Juan he ed-ulinan te Megbevayà. Umba wazè din itug̵ut he mehimetayi. Egkesuatan ni Hirudis te ebpemineg is kebpenurù ni Juan, iyan, ingkeliveg din haazà is penurù.

Lucas 19:47

Igenat dà dutun ne kada andew ne ebpenurù si Jesus dutun te zekelà he simbahan. Ne is menge punuan dutun te menge memumuhat te Megbevayà, wey is menge menunudlù te kesug̵uan, wey is ebmeg̵urangen te menge Hudiyu, ne egkesuatan dan pezem si Jesus te edhimatey.

Lucas 2:47

Ne utew nengeinuinu is langun he nekezineg te menge tavak din te menge insà kandin su utew sikandin metau.

Lucas 20:19

Ne zutun, is menge menunudlù te kesug̵uan wey menge punuan te menge memumuhat te Megbevayà, nesavut dan he iyan din sikandan egkeg̵iyen dutun te sempità, ne ed-isipen dan dutun pezem edekepa si Jesus, iyan, nahandek dan te mezakel he menge etew.

Lucas 4:22

Ne haazà is menge etew he nevurun dutun, nevenaran sikandan te menge penurù din, iyan, utew zan nengeinuinu su utew sikandin metau he edseysey. Ne ke sikandan te, “Kenè be anak heeyan ni Jose?”

Juan 7:1

Ne hein nepasad ni Jesus haazà is kebpenurù midhendiyà sikandin te prubinsya he Geliliya ne zutun sikandin medrig̵urig̵u. Kenà egkesuat he edrig̵urig̵u ziyà te prubinsya he Hudiya su is menge punuan he menge Hudiyu zutun, ne edhimatey pezem kandin.

Juan 7:19

Is apù tew zengan he si Moises, iyan mibeg̵ey keniyu te menge kesug̵uan. Ne netuenan ku he wazà minsan sevaha keniyu he edtuman te kesug̵uan su maan is egkeisip niw he edhimetayan a keniyu?”

Juan 7:46

Ne midtavak is menge guwardya te, “Iyan wazè dey ikezekepa kandin su utew meupiya is kedwali zin; wazè pa etew he nekewali iring te ked-wali zin!”

Nengeulaula 24:25

Ne zutun te kebpenurua ni Pablo te metazeng he ulaula, wey kebpurungi te ed-ul-ulahan wey is kebpeebuta te andew te kedsilut, nahandek si Felix ne ke sikandin te, “Ereg ki en dè pa. Ibpetawag ku sikew ke zuen ku timpu.”