Marcos 11:17 - Manobo Western Bukidnon

¹⁷ Ne mibpenurù din is menge etew zutun, ke sikandin te, “Duen insurat he Lalag te Megbevayà he edhenduen te, ‘Is baley ku, ne egngezanan he valey he elempuanan te langun he menge etew ziyà te minsan hendei he ginhedian.’ Ne sikiyù,” ke si Jesus, “nasì niw veeli he ubpeey te ebpemenlimbung.”

Marcos 11:17 Кръстосани препратки

Marcos 11:16

Ne wazè din itug̵ut te minsan hentei he ed-uwiten dan is menge g̵elemiten dan he zutun ebayà te lama te simbahan.

Lucas 19:46

Ne ke sikandin diyà te kandan te, “Awè kew kayi su zuen insurat he Lalag te Megbevayà he edhenduen te, ‘Is baley ku, ne egngezanan he Valey he Elempuanan.’ Ne sikiyu,” ke si Jesus, “nasì niw veeli he ubpeey te ebpemenlimbung.”

Juan 2:14

Ne ziyà te zekelà he simbahan he egngezanan te Valey te Megbevayà neehè din is ebpemelegyà te menge ibpemuhat he vaka, wey menge kerehidu, wey menge merepatik. Ne neehè din daan is ebpemenliwà te menge selapì he ziyà te lemisahan dan.

Juan 2:16

Ne migkeg̵iyan din is ebpemelegyà te merepatik te, “Iawè niw heeyan! Kenè niw himuwa he tiyenggiyan heini is Baley te Amey ku he Megbevayà.”