Marcos 11:12 - Manobo Western Bukidnon

¹² Ne nepawà dutun te ziyè en ensi Jesus te zalan su edlikù dan diyà te Hiruselim he ebpuun te Bitanya, nevitil sikandin.

Marcos 11:12 Кръстосани препратки

Mateo 4:2

Ne hein kepatan en he andew ne wazà si Jesus mekekaan ne utew sikandin nevitil.

Marcos 11:13

Ne nepantew zin dutun is kayu he zehunen he egngezanan te igira. Ne midhendutun si Jesus su ed-ahaan din ke zuen beg̵as dutun. Iyan, hein dutun en, neehè din he wazà beg̵as, kekenà, tekew he menge zahun, su haazà, kenè pa timpu te hustu he kebpemeg̵as.

Marcos 11:20

Ne hein nepawà, midlikù dan dutun te inged ne ziyà te ibayè dan neehè dan kes kayu he igira he nepurung en meg̵angu, minsan is dalid din.

Lucas 4:2

Ne zutun, seled te kepatan he andew, migezaman si Jesus ni Setanas ke ebpekesalè be. Ne te zutun he menge andew wazà minsan hengkey he nekaan ni Jesus, ne zutun te ikekepatan en he andew utew nevitil si Jesus.

Juan 19:28

Ne zutun netuenan ni Jesus he nepasad din en is langun he netagnà mehitenged kandin, ne migkag̵i te, “Egkemezahan a.” Ne pinaag̵i zutun netuman is netagnà dengan diyà te insurat he Lalag te Megbevayà.

Hibriyuhanen 2:17

Umba kinahanglan he ebpeetew sikandin su wey mehimu sikandin he iring kenitew te menge suled din te minsan hengkey he paag̵i. Ne mid-ulaula zin heini su wey mehimu sikandin diyà te etuvangan te Megbevayà he iring te lavew he memumuhat tew he utew hihizuwen wey metinumanen su wey zin mepalis is menge salè tew.