Marcos 11:1 - Manobo Western Bukidnon

¹ Ne hein uvey zan en diyà te inged he Hiruselim su ebpekeuma zan en diyà te inged he Bitpagi wey inged he Bitanya he ziyà te vuvungan he egngezanan te Ulivuwan, midsug̵ù ni Jesus is dezuwa te menge sumusundan din.

Marcos 11:1 Кръстосани препратки

Mateo 21:17

Ne mid-ewaan din sikandan ne mid-awà sikandin dutun te inged he Hiruselim ne midhendiyà te inged he Bitanya, ne zutun medhizeg̵à.

Mateo 24:3

Ne netegteg̵aad dutun mibpinuu si Jesus diyà te vuvungan he egngezanan te Ulivuwan. Ne mid-uvayan en maan sikandin te menge sumusundan din te wazè dan duma su iyan dan dà. Ne ke sikandan te, “Keg̵iyi key ke keenu egkehitavù heini is langun, wey ke hengkey is egkeulaula he tuus wey zey metueni he iyan en kedlikù nu wey kegketapus kayi te timpu?”

Mateo 26:30

Ne zutun migkanta zan te kedalig te Megbevayà ne hein nepasad haazà migawas dan ne midhendiyè dan te vuvungan he egngezanan te Ulivuwan.

Marcos 11:2

Ke sikandin te, “Hendutun kew te inged he egkeumahan tew ne emun ebpekeuma kew zutun, ne egkeehè niw is intagkes he asnu he nati he wazè pa meuntuzi; hekazi niw ne uwita niw zini.

Marcos 13:3

Ne hein diyè dan te vuvungan he egngezanan te Ulivuwan, egkepantew zan sikan is dekelà he simbahan. Ne mid-insaan si Jesus eni Pedro, Santiago, Juan, wey Andres dutun te wazè dan duma,

Marcos 14:13

Ne midsug̵ù ni Jesus is dezuwa zutun te menge sumusundan din ne migkeg̵iyan din te, “Hendiyan kew te inged ne egkeuma niw is maama he ed-uwit te umuy he nepenù te wahig.

Marcos 6:7

Ne midtig̵um din sikan is sepulù wey zezuwa he menge sumusundan din su ibpehipanew zin. Mibpemahinbahin din sikandan te tigduwazuwa. Ne mibpemeg̵ayan din daan sikandan te g̵ehem te kebpeguwà te mezaat he mulin-ulin.

Juan 8:1

ne si Jesus, midtekezeg sikandin diyà te vuvungan he egngezanan te Ulivuwan.

Nengeulaula 1:12

Ne zutun mid-awà is menge epustul ziyà te vuvungan he egngezanan te Ulivuwan, ne mid-ulì dan diyà te inged he Hiruselim. (Haazà is buvungan, uvey zà te Hiruselim; sengekilumitru zà buwa is keziyù din.)