Marcos 10:48 - Manobo Western Bukidnon

⁴⁸ Ne midawey haazà is lakap te mezakel he menge etew zutun te, “Engked ka!” Iyan, nasì en ebpekezag̵ing sikandin he egkag̵i te, “He kevuwazan te hadì dengan he si David, kehizuwi a kenikew!”

Marcos 10:48 Кръстосани препратки

Mateo 19:13

Duen menge vatà he mid-uwit te menge etew ziyà te ki Jesus wey zin mezepeneti te palad din wey mepenubtuvazi. Ne midawey heini te menge sumusundan din.

Mateo 20:31

Ne nepeukan sikandan te menge etew zutun ne migkeg̵iyan sikandan te menge etew he med-engked dan he ebpengumew. Iyan, nasì en mesug̵ù sikandan is ebpengumew te, “He Nengazen he kevuwazan ni David, kehizuwi key!”

Mateo 9:27

Ne zutun te ked-awà ni Jesus dutun, midtelukun kandin is dezuwa he lakap. Ne haazà is menge lakap, mid-umew zan ki Jesus is edhangyù te, “Kehizuwi key kenikew, su iyan ka kes kevuwazan te hadì dengan he si David!”

Marcos 10:13

Ne zutun, duen menge etew he ebpen-uwit diyà te ki Jesus te menge zezeisey he vatà su ebpezepenetan dan te palad ni Jesus, iyan, midawey haazà te menge sumusundan din.

Marcos 5:35

Ne te kemulu pa si Jesus egkag̵i zutun ne zuen nemekeuma he ebpuun diyà te valey ni Hayru. Ne migkag̵i zan diyà te ki Hayru te, “Kenè nu en bigbigata te eduma pa maan si Jesus su kenè niw en egkesepenan is gehinawa zuen te anak nu.”

Lucas 18:39

Ne haazà is menge etew he edhuhuna ki Jesus, ne midawey zan haazà is etew wey med-engked sikandin, iyan, nasì en ebpekezag̵ing sikandin he egkag̵i te, “He kevuwazan te hadì dengan he si David, kehizuwi a kenikew!”

Ipisu 6:18

Pekezesen kew ampù te minsan hengkey he timpu sumalà is ked-uwita keniyu te Wag̵as he Mulin-ulin. Buyù kew te tavang te Megbevayà ne layun kew andam ne peniguduwi niw layun te ked-ampù is langun he menge tumutuu.

Hibriyuhanen 5:7

Ne hein kemulu pa si Jesus dini te kelibutan, ne mibpenig̵is is luhè din ne nekelelendag sikandin tenged te utew meheg̵et is kebuyù din wey ked-ampù din diyà te Megbevayà he iyan ebpekelibri kandin te kemetayen. Ne tenged te zekelà is kedtahud din wey kedtumana zin te menge sug̵ù te Megbevayà, midineg is ked-ampù din te Megbevayà.