Marcos 10:29 - Manobo Western Bukidnon

²⁹ Ne migkag̵i si Jesus te, “Kenè niw lipati he is minsan hentei he mid-ewaan din is baley zin, is menge suled din he vahi wey maama, is iney zin wey amey zin, anak din, wey menge tanè din su edsunud sikandin kediey wey idsangyew zin is Meupiya he Tudtulanen,

Marcos 10:29 Кръстосани препратки

Mateo 10:18

Ebpeg̵esen kew zan he mekeetuvang te menge gubirnedur wey menge hadì tenged te kedtuu niw kedì wey niw ikewali is Meupiya he Tudtulanen diyà te kandan wey ziyà daan te menge etew he kenà menge Hudiyu.

Mateo 19:29

Ne is minsan hentei he mid-ewaan din is baley zin, menge suled din, amey zin, iney zin, anak din, wey tanè din su edsunud sikandin kediey, egkezawat din is kenenggatus egketakep haazà is mid-ewaan din ne liyu zutun ibeg̵ey kandin is untung he wazà pidtemanan.

Mateo 6:33

Iyan, sikiyu mulà, kinahanglan he iyan mahal ziyà te g̵ehinawa niw is kebpahadì niw kandin wey is metazeng he ulaula he ebpeveelan din keniyu ne zutun ibeg̵ey zin keniyu is langun he egkinehenglanen niw.

Marcos 8:35

Su ke zuen etew he egkenug̵unan din is untung din, ebpatey g̵ihapun. Iyan, ke zuen etew he minsan ibpatey zin pa ne edsunud kedì wey edsangyew te Meupiya he Tudtulanen, id-ulì te Megbevayà diyà te kandin is untung din ne kenè en sikandin ebpatey te wazà pidtemanan.

Lucas 18:29

Ne ke si Jesus te, “Benar is egkeg̵iyen ku he emun duen etew he mid-ewaan din is baley zin, is esawa zin, is menge suled din, is menge g̵inikanan din, wey is menge anak din su wey zin ikepesavut te menge etew is kedhedii kandan te Megbevayà,

1 Kurintu 9:23

Umba ebeelan ku heini su wey mesangyew is Meupiya he Tudtulanen ne wey a zaan mekeambit te menge tuvad he impenaad kenitew pinaag̵i te Meupiya he Tudtulanen.

Impezayag 2:3

Netuenan ku he ed-antus kew te mereg̵en tenged te kedtuu niw kediey ne minsan pa zutun kenè niw ed-isipen he ed-engkezan niw is kedtumana niw te menge sug̵ù ku.