Marcos 10:27 - Manobo Western Bukidnon

²⁷ Ne zutun midtengtengan sikandan ni Jesus te egkag̵i te, “Kenà iyan egkehimu te etew, iyan, egkehimu mulà te Megbevayà he ibpaangken din is etew te untung he wazà pidtemanan su egkehimu zin is langun.”

Marcos 10:27 Кръстосани препратки

Mateo 19:26

Ne zutun midtengtengan sikandan ni Jesus te egkag̵i te, “Kenà iyan egkehimu te etew; iyan, egkehimu mulà te Megbevayà he ibpaangken din is etew te untung he wazà pidtemanan su egkehimu zin is langun.”

Marcos 10:26

Ne hein nezineg haazà te menge sumusundan din, mid-iseg is kegkeinuinu zan. Ne ke sikandan te, “Emun kenà egkehimu te sepian, ne kenè bes egkehimu te minsan hentei is ked-angken te untung he wazà pidtemanan.”

Lucas 1:37

Umba egkeulaula heini su egkehimu te Megbevayà is minsan hengkey.”

Lucas 18:27

Ne midtavak si Jesus te, “Kenà iyan egkehimu te etew, iyan, egkehimu mulà te Megbevayà he meveg̵ayi sikandan te untung he wazà pidtemanan su egkehimu zin is langun.”

Pilipus 3:21

Ne zutun te andew, ne edhelinen din en is memeg̵uyà he menge lawa tew ne edhimuwen din he iring te mekeg̵eg̵ehem he lawa zin. Ne kayi te kedhelina zin kenitew, egemiten din is dekelà he g̵ehem din he iyan ingkehimu zin he ebayàbayà te minsan hengkey.

Hibriyuhanen 11:19

Su neisip ni Abraham he ke ebpatey si Isaak, egkehimu he ebenhawen te Megbevayà. Ne henduen be te nevanhew iyan si Isaak dutun su neisip ni Abraham he kenè en ebperis he ebpatey sikandin.

Hibriyuhanen 7:25

Ne tenged kayi, egkehimu te minsan keenu he timpu he edlibriyen din te silut is minsan hentei he menge etew emun pinaag̵i kandin ed-aput sikandan diyà te Megbevayà su wazà pidtemanan te untung din, ne layun din egkehimu te edtavang sikandan diyà te etuvangan te Megbevayà.